【Emily】議員轟「出行易」App設計差少人用
[2022.07.12] 發表
【明報專訊】立法會「發展智慧城市事宜小組委員會」噚日開會討論智慧出行，唔少議員針對政府嘅「出行易」應用程式畀意見。科技創新界議員邱達根話，出行易喺「iTunes」嘅評分得「2.0」，佢形容「評分中肯」，皆因佢都試用咗一輪，一下載程式就出現30條免責聲明，「無咩市民睇得明，可能讀法律系都未必搞得清楚」，問當局係咪可以簡化少少，唔需要一開始就嚇怕人。
邱達根話，出行易睇唔到私人商場車位、道路工程資料成日連結咗去局方嘅文字檔，建議政府出App前比較吓市面上同類App。副運輸署長邱國鼎話，邱達根嘅意見佢全部接納，一定需改善。
工業界議員吳永嘉就話，出行易下載次數逾260萬，但每日平均點擊率5萬，只有2%用戶使用，又問當局透過咩途徑了解意見。邱國鼎話高峰期使用量都有10萬，特別係出現交通擠塞、意外時；又指2019年「黑暴」期間使用量去到幾十萬，佢承認版面可以改善，最重要係加啲新嘢，希望增加不同功能。
更多港聞
【明報專訊】全國人大常委譚耀宗之前因為新冠核酸檢測陽性，同訪港嘅國家主席習近平緣慳一面，佢噚日同Emily講，快測連續兩日陰性，噚日第一日出...
詳情
網課減社交 學生「細個咗」 中大：將花工夫增社交能力
【明報專訊】新冠疫情兩年多，應屆中學文憑試（DSE）考生不時要隔着電子熒幕上課，校園生活大減。中文大學入學及學生資助處處長王家徹昨日引述中學... 詳情
【明報專訊】「所有動物是否一律平等」不時掀起熱議，有學者提倡改善雞的擠迫生活環境。城市大學團隊憑分析雞啼聲，辨認出雞舍飼養的雞是否在「求救」...
詳情
相關新聞
