【Emily】薛永恒約孫東政總交接
[2022.06.22] 發表
【明報專訊】新一屆政府下周上任，噚日創科局長薛永恒(左)約佢嘅「下一手」、候任創新科技及工業局長孫東(右)喺政府總部會面交接。薛永恒做完電台節目訪問後向記者表示，孫東係一位非常有經驗嘅生命健康科研專家，所以對佢好有信心，又話遲啲會同孫東分享做局長嘅體會。孫東主要講普通話，薛永恒被問到語言會唔會成為孫東嘅障礙，佢就話唔覺得會有影響。
孫東係城市大學生物醫學工程學系主任，日前佢強調自己識聽廣東話，未來會多練習廣東話。薛永恒就話，香港本身係一個兩文三語都非常普及嘅城市，廣東話、普通話定係英文喺日常生活中都好普遍，所以佢唔覺得孫東嘅語言會有影響。
被問到有咩心得建議畀孫教授，薛永恒話要用好國家對香港創科嘅支持。佢話，香港本身科研非常強，一個700萬人嘅城市有5所世界100強大學，係令香港人驕傲嘅成就。
更多港聞
理大學生會今議解散否 委員稱律師提醒該會或違國安 指會員可選暫停運
【明報專訊】理工大學學生會先後被勒令禁用校名、7月中前遷出學生會大樓，繼5月改名「紅磚社」，今晚召開會議將定奪該會解散或保留。有學生會臨時行... 詳情
【明報專訊】東華學院昨發布2021年畢業生調查，411名畢業生（回應率近86%）的數據顯示，整體平均月薪29,900，較2020年微升約0....
詳情
相關新聞
