【Emily】區議員「撐」把酒論警政 一哥話對酒精無興趣

北區區議會主席羅庭德（右）喺「一哥」蕭澤頤面前重提佢出席洪門宴事件，仲將相關新聞印出嚟，話支持處長「一邊把酒當歌，一邊就警政交換意見」。（曾憲宗攝）

【明報專訊】警務處長蕭澤頤噚日上任後首次去區議會開會，就遇到北區區議會主席羅庭德連番質詢。羅重提一哥今年初疫情高峰時出席港區人代洪為民嘅生日宴，又引述蕭嘅解釋話席間只係暢談交通警政。羅強調支持處長「一邊把酒當歌，一邊就警政交換意見」，認為呢啲交流「絕對無問題」，話一哥「可能有犯法，但絕對無犯錯」。

洪宴被重提 蕭澤頤重申無犯法

一哥聽到呢番話，回應話自己「對酒精毫無興趣」，羅庭德只要稍為關心警隊工作，就知佢本人一向唔鍾意飲酒。就「洪門宴」事件，一哥重申喺唔同場合已交代過，特首都公布咗調查結果，話佢無犯法，因此羅話佢「可能有犯法，無犯錯」係錯誤嘅講法。

羅又引述警方數字，話疫情期間警方喺北區發出近800張涉嫌違反口罩令同限聚令嘅告票，罰款額達400萬蚊，但係北區仍有近3萬人受感染，「爆到七彩」，質疑警方嘅執法對切斷傳播鏈「了無幫忙」。一哥話唔認同《預防及控制疾病條例》係「防疫惡法」，又拒絕接受羅嘅請願信，重申警員有責任執法，「有法必依，違法必究」。一哥會後見傳媒，提到警方有需要同區議員交流，希望政府部門同區議會繼續合作。

更多港聞

【Emily】容海恩同女女玩輕黏土 有黃色

【明報專訊】新民黨搞咗個「親子輕黏土蛋糕畫」比賽，慶祝香港回歸25周年，該黨立法會議員容海恩（Eunice）捉埋女女宣傳活動，兩母女拍片示範... 詳情

【Emily】立會坐染疫陳祖恒隔籬 劉業強自我隔離「大局為重」

【明報專訊】紡織界立法會議員陳祖恒（Sunny）早前新冠快測陽性，由於七一慶回歸活動臨近，政府同議員都有少少緊張。立法會大會坐喺Sunny旁... 詳情

【Emily】工聯會茶記做統計 最低工資做一粒鐘唔夠食晏

【明報專訊】最低工資由2019年起一路凍結喺時薪37.5元，最低工資委員會最遲要喺10月底向行政會議提交檢討建議報告，如果檢討後有調整，會喺... 詳情

【Emily】「賞你遊」最後一批逾40行程今報名

【明報專訊】旅發局噚日出埋最後一批「賞你遊香港」超過40個行程，今朝10點開始就可以直接同旅行社報名。連埋之前出咗個啲，而家計埋出咗6萬個本... 詳情

【Emily】迪士尼煙花匯演返嚟喇

【明報專訊】闊別超過4年嘅迪士尼煙花匯演終於返嚟喇！迪士尼全新夜間匯演《迪士尼星夢光影之旅》噚晚喺黃雨下首映（圖），率先畀傳媒欣賞，財政司長... 詳情