【Emily】鄧家彪促受助社福機構掛國旗區旗 羅致光：與民政局商討
[2022.06.14] 發表
【明報專訊】立法會福利事務委員會噚日開會，討論向福利服務提供者提供唔同模式津助同資助，臨近七一，工聯會立法會九龍東議員鄧家彪就關注政府會唔會要求受資助嘅社福機構掛國旗同區旗。阿彪話回歸25周年，香港個個歡天喜地，佢「懇請」使用政府物業嘅資助機構喺中心掛國旗同區旗。勞工及福利局長羅致光就回應話，當然會同民政局商討。
羅：好多服務單位未必有地方
不過，羅致光提到擺放國旗同區旗有標準，好多服務單位都未有呢啲地方，唔係插支旗喺枱面就可以，如果唔合規格，仲可能會違反相關條例。阿彪就拍口心話：「唔緊要，我哋入嚟做義工，個責任我哋孭，工聯會孭！走入去幫你懸掛國旗！」
羅致光就隨即話，呢個都係一個政府行為。阿彪話既然局長都話係政府行為，只要佢決定咗做到就得。羅致光就話要視乎服務單位，有啲地方基本上有呢啲設備，嗰啲建築物就問題唔大。
更多港聞
【Emily】議員搞元宇宙慶回歸展 網上重溫25年大事
【明報專訊】香港回歸25周年，各界都辦慶祝活動，要突圍都需要諗新意。立法會選委會界別議員吳傑莊，聯同梁美芬、李鎮強及劉智鵬，搞咗個元宇宙《香... 詳情
【Emily】籲「世界捐血者日」捐血 紅會今送限量便條紙磚
【明報專訊】香港紅十字會輸血服務中心噚日公布2021/22年度獲嘉許嘅長期捐血者名單，以表揚共3686名捐血累積達25次和25倍數嘅熱心捐血... 詳情
【明報專訊】民建聯噚日公布本港藝文政策民調及「藝文香港2027+」倡議書，調查發現，超過八成受訪者希望M+博物館同埋即將開幕嘅故宮文化博物館...
詳情
【Emily】馬會見習騎師校招學員 滿15歲可考
【明報專訊】就到畢業季節，香港賽馬會賽馬人才培訓中心旗下見習騎師學校最近招募「賽事見習學員」，投考者必須年滿15歲，並已完成中三或以上課程，... 詳情
相關新聞
