【Emily】精神壓力巨大 時事漫畫家阿塗離港
[2022.04.27] 發表
【明報專訊】今時今日喺香港做時事評價、畫時事漫畫，唔少評論員或創作人都提過，少不免有種無形壓力，繼香港民研副行政總裁鍾劍華喺社交平台宣布已離港後，時事漫畫家阿塗噚日上載由佢創作嘅「小學雞」畫作，睇落個樣又愁又唔開心嘅「小學雞」孭住寫上「鬥長命」嘅袋仔，背景見到英國倫敦大笨鐘，「抱歉，離開香港，係因為我想繼續為香港創作」。
「離港，係想繼續為港創作」
阿塗指呢句說話聽落好自相矛盾，但佢內心真係咁複雜矛盾，仲擔心往後作品會魂不附體，但留喺香港創作時事漫畫，精神壓力巨大，離別係迫不得已嘅抉擇。畫咗11年時事漫畫，阿塗諗過放棄，亦諗過轉型畫生活題材，但𠵱家先係香港最需要、同時又最唔需要時事漫畫嘅時候，反而令佢更想堅持。
400多字嘅感言，阿塗用上「抱歉」、「原諒」、「愧疚」、「難過」等字眼，反映出佢離開嘅心情，「未試過出一個Post會感到如此吃力，每一個字都令我難過」。佢仲話會記住呢份愧疚，多替不能發聲嘅人發聲，「願良善的人珍重，以各種形式將良善存留下去」。
更多港聞
【明報專訊】年輕人要開展創科事業，起動資金好重要。城市大學噚日公布首輪有49間初創公司獲得HK Tech 300計劃旗下嘅天使基金投資，每間...
詳情
【明報專訊】第五波疫情下，亞洲博覽館社區治療中心專門收治感染新冠病毒嘅長者，由醫管局調動轄下醫院嘅醫生護士去照顧病人，噚日醫管局喺faceb...
詳情
【Emily】本地養乳牛 陳克勤視察城大教學農場
【明報專訊】民建聯立法會議員陳克勤日前去咗準備開放嘅城大獸醫學院教學農場，佢話城大特意覓地設立乳牛農場，從外國引入乳牛，同某品牌合作喺本地生... 詳情
中文閱讀卷引內地文章「反思人生」 文言考材涉老莊思想 教師：再非死亡之卷
【明報專訊】中學文憑試（DSE）中文科開考，近4.5萬名考生報考。卷一閱讀卷乙部有3篇考材，包括兩篇白話散文，兩篇作者均是內地哲學家兼作家周... 詳情相關新聞
