民主黨建制派向學童派快測包
[2022.04.21] 發表
【明報專訊】建制派政團抗疫物資源源不絕，每日出動喺街頭及學校等地方派發，在野嘅民主黨無獲當局分發物資，但用自己方法，之前喺社區收集市民捐贈嘅物資，包括連花清瘟膠囊、撲熱息痛及口罩等，轉送有需要嘅人。
民主黨主席羅健熙話，佢哋喺利東及華富嘅服務點，有唔少街坊送贈物資，佢話學生返學要先做快測，區內有需要嘅朋友可以同佢哋登記，每個學生可獲10盒快速檢測包。佢哋亦有一啲藥物，歡迎街坊登記領取。
建制派團體就大規模分派物資行動。「全港抗疫義工同盟」及「全港社區抗疫連線」啟動「學生重返校園健康支援計劃」，噚日先喺中西區、荃灣區及沙田區向學童派物資，話要幫助學生抗疫。
民建聯主席李慧琼噚日聯同黨友，去到佛教中華康山學校派發快檢包。李慧琼話，早前已要求教育局一視同仁向所有學生派快測包，唔應該要學生及家長因為快測包成本而加重經濟負擔。
更多港聞
相關新聞
