【Emily】賀一誠去博鰲論壇 林鄭抗疫唔去
[2022.04.20] 發表
【明報專訊】澳門政府噚日公布，澳門特首賀一誠應邀今明兩日去海南出席博鰲亞洲論壇，包括聽日上晝嘅博鰲論壇年會開幕大會，中國外交部駐澳門特派員劉顯法繼續做特邀隨團顧問。港府同日就無任何公布，特首辦回覆Emily查詢時就話，特首林鄭月娥「一如既往獲邀出席博鰲亞洲論壇」，但話雖然香港疫情持續回穩，林太「將留港繼續領導香港特區全力抗疫」。
睇番今年3月兩會期間，賀一誠都有列席全國人大會議開幕，林太當時同樣因為抗疫留港。至於博鰲論壇本身，去年國家主席習近平視像出席發表主題演講，目前未知今年會親身抑或視像出席。
更多港聞
【明報專訊】香港民研公布「社會政策滿意程度」調查結果，10個政策範疇中，房屋最低分，滿分10分只得3.97分；專上教育評分最高，獲5.37分...
詳情
【明報專訊】如果你用八達通攞消費券，可能唔知仲有幾多餘額未攞，事關八達通有3000元儲值上限，加上張卡餘額本身有零頭，邊個會咁神心記住第一次...
詳情
相關新聞
