【Emily】網傳李家超參選 司長辦：唔回應傳言
[2022.03.25] 發表
【明報專訊】特首選舉提名期4月3日開始，網上流傳信息及改圖指李家超下周會辭任政務司長參選特首，就網上傳言，政務司長辦公室回覆Emily話唔回應傳聞。不過，有消息人士話傳聞唔係真，指李目前專注抗疫工作。特首林鄭月娥噚日再被記者問會唔會考慮爭取連任，佢都係話「𠵱家我本人嘅工作唯一一件事就係抗疫」。
林太同李家超同被人扣連選舉，二人噚日同場出席中央援建社區隔離設施竣工交付活動，仲有大合照。
林鄭：緊急法三次批准 知情有參與
另外，林太前日出席立法會答問會時，選委界議員簡慧敏問佢，緊急法用咗喺邊、政府準備點用好呢條條例，林太話緊急法使用嘅授權畀咗政務司長，「我喺今日就唔想重點或全面咁簡介，因為可能佢批咗啲係我唔知嘅」。
噚日朝早，有記者就呢件事問林太政府內部係咪溝通不足，林太澄清冇溝通問題，解釋議員前日問得好具體，問到緊急法應用咗喺邊方面、引用咗幾多次等，認為要由政務司長辦公室準確啲覆番。佢話緊急法三次批准，佢都知情並有參與，強調自己「完全清楚」；又話之前畀立法會主席梁君彥提醒要「短問短答」，佢係??按要求短答，唔等於唔知政府內部事務。
更多港聞
【明報專訊】面對第五波新冠疫情，政府早前宣布中小學生提早喺3、4月放「暑假」，而留喺屋企都可以學嘢。香港聖約翰救護機構主辦，教聯會及3名立法...
詳情
【Emily】清真食品應急物資 迪士尼捐少數族裔
【明報專訊】唔少草根階層喺第五波新冠疫情下面臨困境，語言不通嘅少數族裔面對嘅挑戰就更大。鄰舍輔導會總幹事馮綉文話，日常服務接觸到唔少少數族裔... 詳情
【Emily】木棉花砌出「世界和平 HK加油」
【明報專訊】「落紅不是無情物」，第五波疫情下唔少香港人都抗疫疲勞，喺鑽石山香港神託會培敦中學外嘅圍欄，有市民就利用近日盛開嘅木棉花，砌出「世... 詳情
公民科刊達標示例 教師：不知得分 盼公布分數線不及格樣本 考局：年年臨界分數不同
【明報專訊】公民與社會發展科今學年中四推行，2024年起該科設中學文憑試（DSE），以「達標」與否顯示成績。考評局去年公布了公民科樣本試卷及... 詳情
【明報專訊】教育局正探討為確診或屬密切接觸者的中學文憑試（DSE）考生設「特別試場」。教育局長楊潤雄昨在港台《千禧年代》說，密切接觸者無確診...
詳情
相關新聞
