【Emily】餐飲零售中小企 中電再准延期交費
[2022.03.05] 發表
【明報專訊】第五波新冠疫情衝擊本港經濟。中電噚日宣布，再次推出「中小企延繳電費計劃」，餐飲業同零售業嘅中小企中電客戶，周一(7日)起可以到中電網站申請延期交電費。申請獲批嘅中小企可以延期兩個月繳交最多3期電費，例如今年3月、4月同5月要交嘅電費，可延至今年5月、6月同7月先交。
另與樂善堂合作派食物券
疫情下弱勢社群急需援助，中電就同九龍樂善堂合作，向1000個低收入家庭派200元電子食物券，等佢哋可以上網買嘢食，減少社交接觸。為基層人士同有需要長者提供飯餐嘅4間中電有「營」飯堂，雖因疫情暫停堂食同外賣，但就改為免費派5500張飯券畀飯堂使用者。
更多港聞
相關新聞
