【Emily】青衣方艙共用廁所 市民話怕怕 葉劉：養和房都要共用
[2022.03.03] 發表
【明報專訊】青衣社區隔離設施(又稱方艙醫院)啱啱啟用，好多市民見到一間房幾張牀，仲要同其他染疫者共用廁所，都有啲被嚇怕。有網民喺twitter分享青衣隔離設施嘅相，tag咗行政會議成員葉劉淑儀，要求佢解決問題，問葉太接唔接受被送去咁嘅地方。葉劉淑儀有回應，仲反問對方，係咪期望臨時設施要好似酒店咁，仲話自己住過養和醫院私家病房，一樣要同其他人共用廁所喎。
組織送300福袋 有乾糧罐頭鮑
政府前晚陸續送染疫者入青衣社區隔離設施，全港社區抗疫連線噚日就送咗300個福袋去青衣，入面有9種日用品同10樣食物，除咗罐頭、麵包餅乾等乾糧外，仲有罐頭鮑魚，或者可以用嚟送杯麵；日用品就有埋數據卡，方便染疫者上網睇所需資訊或解吓悶。
網上睇片，有人喺未入去時睇過房間嘅牀鋪，批評話只有一塊木板，但前晚皇朝家居就捐出2萬張牀墊畀臨時隔離設施用，全港社區抗疫連線亦將部分牀墊分批送去青衣。
更多港聞
【Emily】保安局3.1萬月薪請隔離設施管理助理
【明報專訊】由中央援建、位於青衣嘅社區隔離設施（又稱方艙醫院）前日開始接收新冠患者，負責管理設施嘅保安局，招聘「社區隔離設施內務管理助理」，... 詳情
【明報專訊】香港賽馬會噚日宣布，由下星期二（8日）起，六合彩每個星期攪珠，會分別喺逢星期二同五舉行，不過仍然無得到投注站排隊買彩票。馬會發言...
詳情
【明報專訊】國家藝術基金管理中心前日（3月1日）公布今年嘅資助名單，香港第一次有9個項目入圍，6個係舞台藝術類項目、3個係美術類項目，當中包...
詳情
【明報專訊】多名港區人代同政協因曾與新冠確診者接觸而喺深圳延長隔離，無得上北京出席兩會，最新加入嘅包括工聯會林淑儀，其他人就按原定計劃今日上...
詳情
相關新聞
