【Emily】「山道」出版烏克蘭相集 收益捐當地
[2022.03.01] 發表
【明報專訊】俄羅斯入侵烏克蘭舉世關注，多國都有民眾上街聲援烏克蘭同反對戰爭，烏克蘭政府亦就戰爭發起加密貨幣眾籌。遠在香港，本地出版社「山道文化」計劃出版烏克蘭照片集，扣除成本後，收益會全數捐贈烏克蘭官方或當地人認可嘅人道組織，並開放畀網民預購。
山道文化喺facebook提到，烏克蘭照片集預計喺3月內出版，封面以烏克蘭首都基輔獨立廣場為背景，約有100張相連文字介紹，全彩印刷，內容包括當地歷史、建築、風景、人物同切爾諾貝爾現况等；又話若情况許可，會加入現時身處當地記者嘅相片，佢哋每周會更新捐款狀况。烏克蘭局勢未明朗，山道文化話，無論點，香港仍可繼續認識同關注烏克蘭，協助當地人重建家園。
前議員梁柏堅赴烏採訪 循陸路進發
另外，前灣仔區議員梁柏堅亦計劃去烏克蘭採訪。佢喺俄攻烏前夕由香港出發，話被取消議席後唔希望繼續「躺平」，計劃離港數月展開海外攝影計劃，首站係烏克蘭基輔，但開戰下航班受影響，正循陸路入境，目標係去烏克蘭西部城市利沃夫。佢噚日喺facebook話，朝早搭火車由波蘭華沙前往邊境城市普熱梅希爾，暫未提到有冇成功入境烏克蘭。
更多港聞
【Emily】經民聯兩會提案 倡兩地抗疫協調機制恆常化
【明報專訊】全國兩會本周召開，因應本港疫情，多名全國政協及人大代表都缺席。經民聯9名成員以全國人代同全國政協嘅身分，包括林建岳、梁君彥、盧偉... 詳情
【Emily】陳岳鵬自行剷青 譚志源：入咗幾號倉？
【明報專訊】疫下全港髮廊被迫停業到4月20日，想飛髮點算呢？已轉職去馬會嘅政制及內地事務局前副局長陳岳鵬決定自己動手剷青，並喺faceboo... 詳情
【明報專訊】9月舉辦嘅杭州亞運首度將電競納入正式比賽項目，香港會派出35名電競高手出戰。其中「英雄聯盟」、「傳說對決」同「爐石戰記」嘅香港代...
詳情
【Emily】用長者樂悠卡搭車 狄志遠：感尊重
【明報專訊】政府樂悠卡計劃前日（27日）起實施，年滿60至64歲嘅長者用樂悠卡，都可以享用兩蚊搭車優惠。64歲嘅社福界立法會議員狄志遠噚日就... 詳情相關新聞
