商台拍檔麻利確診Omicron 鄭裕玲檢測陰性 戴雙層口罩開咪
【明報專訊】本港第五波疫情嚴峻，娛樂圈多人染疫，包括無綫、商台員工，還有參與江𤒹生(AK)MV拍攝的「MV群組」。早前商台《十八樓C座》4名播音員「周老闆」金剛、「祥嫂」朱雪梅、「無牙三姑」陳慕賢與「鐸叔」李錦，還有《公子會》劉翁相繼確診。昨日跟鄭裕玲(Do姐)、余迪偉主持《口水多過浪花》的麻利也中招，她在社交平台宣布：「我居然都中咗Omicron！瀨咗嘢！」麻利居家隔離中，Do姐跟《口水》團隊做檢測均為陰性，昨如常開咪做節目，Do姐加強保護戴雙層口罩。
麻利撰長文講述今次經歷，她解釋之前沒透露確診，是她瞓到似入了時間艙，不分日夜地瞓。她說：「對住個世界無咩想講，已經搞成咁，仲有咩好講，所以有精神先整理下感想，每日活動量好少。講到好似中六合彩咁，其實我心裏已有咗呢個預感，沒可能坐喺度無經歷，就去叫人冷靜啲、放鬆啲。無經過苦難嗰啲人，就唔好出嚟講呢講路嘞。」
麻利：喉嚨似被刀𠝹
麻利透露沒接種疫苗、選擇服用中藥、沒食Panadol、病徵明顯兼好大幅度上落等。她坦言會認真對待每個病徵，包括發冷、發燒、沒胃口、多痰、咳及喉嚨痛等，她寫道：「平時重感冒喉嚨痛，係火燒感覺，但Omicron嘅喉嚨痛，係似喉嚨被𠝹刀𠝹傷咗咁痛，每吞一次口水就翻𠝹一次，似刀傷劇痛。終於到了有想食嘢嘅衝動，但只係衝動，因好易攰。我只食通心粉。」
不敢出街做檢測
她稱連日被追問檢測結果，覺得大家不要太迷戀檢測答案，「有病嘅人要坦白面對身體有唔妥，而唔係望住一條線、兩條線嚟決定做乜。仲有人夠膽叫我出街檢測。我喎！燒緊喇喎！行走中的Omicron喎！仲出街？自問無力揸車，即係走去坐車？咁我點確保無傳染畀人嘅危險？我覺得呢個病贏在個腦，輸在無人肯用吓腦」。她表示應付Omicron需要冷靜，「聆聽自己需要，瞓覺、熱檸檬水、維他命B、C、D、Zinc。繼續專心養好身體係本月重點」。
商台回覆有關麻利確診，「本台主持麻利初步確診，最後上班日期為2月14日，工作期間均有佩戴口罩。為安全起見，本台已即時安排清潔和消毒有關工作地點，相關節目的同事由事發起7天自我居家隔離，每天盡量做快速檢測，並且匯報檢測結果，以麻利最後上班日期起計7天，即2月20日，只要《口水多過浪花》團隊完成快速測試為陰性已屬安全，2月21日便可如常上班」。
Do姐不提拍檔染疫
昨日Do姐與余迪偉如常主持《口水多過浪花》，節目中未提及麻利染疫。他們解答聽眾問題時有一名海外醫護人員，Do姐說要多謝醫護，他們辛苦了。余迪偉送了一盆迷你非洲紫羅蘭給Do姐，後者開心拍照分享，見她戴雙層口罩加強防護。
娛樂組
發燒求診遇撞車意外 朱智賢禍不單行 慶幸無中招
【明報專訊】近日不少藝人先後確診新冠肺炎，朱智賢昨天在社交平台透露出現肌肉痠痛、疲倦及發燒等病徵，經3次快速測試，並分別用3隻不同牌子的快測... 詳情
前港姐冠軍黃嘉雯胞姐虐貓罪成 判80小時社服令
【明報專訊】前港姐冠軍黃嘉雯的胞姐黃綺婷，去年2月上載短片，疑將小貓放入洗衣機開動旋轉14秒，其後被控以一項殘酷對待動物罪；早前經審訊後裁定... 詳情
恨跟楊茜堯再合作 不抗拒做情侶 羅子溢為保私隱 夾計演假夫妻
【明報專訊】羅子溢（前名羅仲謙）主演的劇集《家族榮耀》近日於無綫播映，與太太楊茜堯結緣於無綫劇《On Call 36小時》成戀人，至結婚後一... 詳情
契仔黃宗澤資助做「通波仔」手術 黎彼得呻無工開 向無綫求救無人理
【明報專訊】年逾70歲的黎彼得於無綫處境劇《愛．回家之開心速遞》飾演「豹叔」，已好一陣子沒亮相，原來3個月前他因眼腫睇醫生，腦掃描後發現腦部... 詳情
