【Emily】如同去年 港人代「政協」赴兩會前需深圳檢測
[2022.02.07] 發表
【明報專訊】全國人大代表、政協「兩會」分別將於3月5日和4日喺北京召開，有港區人代同政協委員已收到通知，佢哋要同上年一樣，要先到深圳住一晚，做咗核酸檢測陰性先可以搭飛機上京開會。港區人大代表團團長馬逢國同Emily講，3月2日要先到深圳過一晚做檢測，「初步係咁定」，因為未知疫情發展成點，唔知會否有變化，但知道去到北京要接受「閉環式」管理，除開會外唔可以自行外出。
馬逢國話暫未知詳情，據上年安排，佢哋一行人喺香港做一次檢測、去到深圳再做一次，到北京又一次，佢預今次都至少要做3次。
馬逢國：上月見夏寶龍要測10次
約20名立法會議員上月到深圳與港澳辦主任夏寶龍會面，馬逢國都有份，佢話當時更要檢測10次之多。
全國政協委員、工聯會理事長黃國都話收到類似通知，佢都觀察緊安排會唔會有變，因為香港疫情嚴峻，唔知上兩會安排會否收緊。
更多港聞
相關新聞
