【Emily】報道指陳馮富珍組班選特首
[2022.01.13] 發表
【明報專訊】世界衛生組織前總幹事、全國政協常委陳馮富珍(圖)被視為特首「黑馬」，近日有報道指佢有意問鼎特首。《英文虎報》噚日引述其姊妹報刊《東周刊》，話陳馮富珍獲前特首、全國政協副主席董建華成立嘅「團結香港基金」支持，並引述有消息人士稱，有中間人近日四出接觸人才，為陳太埋班而請佢哋提交履歷。
團結香港基金喺本月7日，原本有一個由陳馮富珍主講嘅「中華大講堂」，主題為「提升全球健康 造福世界人民」，但因疫情而要延期。陳太係選委，上月19日立法會選舉，佢到會展投票後見記者形容新選舉制度有三利，包括有利香港民主制度穩步向前、有利香港全面落實一國兩制，有記者問佢會唔會選特首，佢就唔答。
陳馮富珍本身係醫生，曾任本港衛生署長，任內於2003年處理過SARS疫情；2006年獲國家推薦角逐世衛總幹事一職並當選，成為首名擔任世衛總幹事嘅香港人。1997年本港爆發禽流感，時任衛生署長嘅佢初期仲向公眾派定心丸，話「我日日都食雞」。
更多港聞
【明報專訊】疫情嚴峻，特首周二（11日）宣布不屬核心抗疫嘅公務員可在家工作（WFH），公務員事務局同日向部門發通告，由今日起至下月4日期間，...
詳情
【明報專訊】1月3日有份出席港區人代洪為民生日會嘅官員、立法會議員，好多喺事後自認敏感度不足，特首林鄭月娥仲批評有官員冇以身作則，應喺疫情嚴...
詳情
小一統一派位少去年1700人 一校網須加派 增每班人數
【明報專訊】9月入讀小一的學生家長將於本月22及23日提交「統一派位」申請，教育局預計本年度約4.8萬人參加小一派位，較去年少約1700人。... 詳情
相關新聞
