【Emily】檢測排長龍 吳秋北質疑硬件唔夠「快狠準」
[2022.01.10] 發表
【明報專訊】工聯會會長、立法會議員吳秋北上周到深圳同國務院港澳辦主任夏寶龍見面，噚日做回港後第二次新冠病毒檢測，佢喺facebook上載相片，顯示佢去咗位於鰂魚涌社區會堂嘅社區檢測中心，相中至少約有40人喺中心外狹窄嘅行人路排隊。吳秋北話自己無預約，要等超過一個鐘，批評等候時間太長，市民肯定有不滿情緒。呢一波疫情由國泰航空嘅機組人員引發，佢話聽到現場有人要求國泰賠償損失。
吳秋北話現時檢測場地不足，人手短缺，質疑政府醫療系統係咪可以好似當局呼籲市民咁，做到「應檢盡檢」。佢又批評，檢測同打疫苗都要長時間輪候，當局無增加方法疏導人流避免人群聚集，都係妨礙抗疫，質疑政府硬件係咪做到「快、狠、準」咁控制疫情。
佢認為，管治意志唔係「幾句漂亮口號」，形容控疫係「硬仗」，防疫抗疫措施亦要經得起考驗，強調一定要問責，希望政府能有所改善。
更多港聞
前教師建AI平台 助學生循序操數 按答題表現派相應練習 學校稱效率增
【明報專訊】操練試題可謂高中生「集體回憶」，但只重複做歷屆試卷未「對症下藥」，或無助成績進步。有初創公司研發電子學習平台，按學生做數學練習表... 詳情
【明報專訊】中大早前線上舉辦第25屆「國際粵方言研討會」，研討會共有8場分組匯報，106名粵語研究學者交流。其中來自理大的王晉熙、梁慧敏的論...
詳情
相關新聞
