【Emily】預測故障避意外 理大與美馬里蘭大學設研發中心
[2021.12.30] 發表
【明報專訊】科研係香港未來發展重點，唔少大學都會專注發展，理大就伙拍美國馬里蘭大學設立「產品可靠性暨系統安全研發中心 」 (CAiRS)，利用先進儀器設備同創新人工智能技術(AI)，對產品做可靠性同系統安全研究，務求準確預測故障發生，避免出現機械過熱導致火警等意外。
研發中心早前已獲選進駐港府嘅「InnoHK創新香港研發平台」，正就5個範疇做研究，包括異常檢測與症狀監測、產品健康管理嘅創新診斷等15個項目；項目應用範圍廣泛，例如機械人、醫療器材同電訊等。研發中心仲同28間本地企業包括九巴、煤氣、德國寶等本地企業簽訂協議，共同研究提升產品及系統嘅可靠及安全度。
香港電子業商會會長吳自豪就話，業界樂見CAiRS成立，成為匯聚科研專才嘅平台，相信業界會同CAiRS合作無間，令香港成為具國際權威嘅重點研發中心。
更多港聞
相關新聞
