【Emily】「非每年加啲嘢」 邱達根爭IT政策藍圖
[2021.12.24] 發表
【明報專訊】候任科技創新界立法會議員邱達根(Duncan)當選第4日就有搞作，噚日同業界見面，有大約60人出席，業界紛紛吐苦水，有人投訴申請政府資助嘅審批緩慢兼唔透明，又呻搵唔到人才；有業界仲話，創科局前局長楊偉雄曾經「飲醉酒」同佢講，政府80幾個部門，每個部門嘅IT政策都唔同，連創科局都逼唔到佢哋做嘢，希望Duncan諗吓計。
Duncan話聽到大家聲音，上任後會爭取制定「科技政策藍圖」，而唔係「每年施政報告加啲新嘢落去」。佢仲話會爭取「投資退稅制度」，如果大企業投資本地創科項目，可以退部分稅。至於政府部門各自為政嘅問題，佢就建議增設副司長位，專門統籌創科政策。
咁多鴻圖大計，作為新人又無政黨背景，點喺議會爭取支持？佢承認𠵱家只係識三四成議員，而特首同政務司長下月初會同新議員見面，相信屆時自己可以同其他議員有多啲交流。
更多港聞
【明報專訊】喺啱啱過去嘅立法會選舉，民協前主席馮檢基出山參選九龍西，最後階段獲多個民協前黨友支持，包括楊彧、江貴生、李炯、譚國僑等。深水埗前...
詳情
相關新聞
