【Emily】話寫咗14個鐘 黃梓謙函謝全體選委
[2021.12.16] 發表
【明報專訊】立法會選委會界別候選人黃梓謙(Gary)，近日向全體逾1400名選委派送「粉紅色的炸彈」，唔好以為佢選舉期間都有時間辦人生大事，其實呢張「炸彈」係封感謝信，由Gary親筆寫上、下款，並留有佢想講嘅說話；記錄參選心路歷程同感激選委支持之餘，亦誠邀佢哋出席12月19日嘅「香港囍事」，踴躍投票。為免誤會，佢自己都喺facebook留言，「放心我未結婚」，同時註明「人要到票要投」、「禁止拉票區招呼唔到」。
Emily問過Gary，佢話呢幾日用咗14個鐘寫呢批信，自己以前寫開聖誕卡，寫親筆信無難度。佢呢兩日仲變身郵差，親手將十幾個「炸彈」送畀約到嘅選委，包括身兼地產及建造界選委嘅長實執董趙國雄等；其他佢未能親身派信嘅選委，留意信箱就會有驚喜。
51個選委會界別候選人名單，詳見明報網站選舉專頁(bit.ly/30iscHA)。
更多港聞
【明報專訊】中大亞太研究所民調顯示，特首林鄭月娥11月表現評分為32.9分（0至100分，50分及格），較9月同調查上升1.9分。受訪者中，...
詳情
【明報專訊】立法會換屆選舉周日（19日）舉行，有網民喺社交網站上載一封被指疑似由四大會計師行之一畢馬威會計師事務所（KPMG）前日（14日）...
詳情
教大調查：八成高小生網課有困難 初小生個案：七兄弟圍桌網課難專注
【明報專訊】新冠疫情影響學校面授，現時小學返半日制，部分時間仍需網上學習。教育大學調查顯示，八成高小學生網課期間面對不同困難，約36%表示網... 詳情
相關新聞
