【Emily】赴潘焯鴻節目「扮卿姐」 梁翊婷：約咗兩個幾月
[2021.12.11] 發表
【明報專訊】民主黨副主席梁翊婷(Edith，圖左)早前未獲黨批准，以個人身分簽支持同意書畀港島東候選人、中科監察主席潘焯鴻(圖右)，有稱她被黨友聯署投訴，將被紀律委員會調查，民主黨紀委會主席劉慧卿話唔評論事件。潘焯鴻之前同Emily講只係搵咗Edith拍攝清談節目，而節目噚日出街，潘解釋幾個月前已經約Edith，但一直約唔成，Edith就話約咗兩個幾月，笑住講：「今日先約到，搞到我畀人誤會。」潘雙手合十向佢道歉。
Edith話今次上節目係要「扮下卿姐」，質問潘焯鴻屬於咩派？潘話自己1989年北京民運時都有冒住打風去新華社前集會，自己有一段時間撐公民黨、民主黨，但都令佢失望，𠵱家成熟咗就唔係每事立場行先，而係是非黑白行先，亦唔想用黃藍去分。
Edith問佢，民主思路召集人湯家驊同參選九龍西嘅馮檢基係咪咁？潘就話「佢哋兩個明明係一隻顏色就扮中間」，強調自己係中間，仲比兩人受歡迎，又認為今次選舉嘅民主成分絕對唔高，甚至「返到回歸嗰日」，但唔認為要放棄，若唔投票、唔入議會，只會「清一色」。
九龍西候選人仲有民建聯鄭泳舜同西九新動力梁文廣。港島東候選人仲有吳秋北、梁熙、廖添誠。
更多港聞
【明報專訊】新地郭氏基金董事郭基煇、信和副主席黃永光、全國青聯副主席梁宏正等8個選委共同發起「立法會選舉候選人與香港各界青年會面」交流會，噚...
詳情
【Emily】推廣優質旅遊 姜濤Phoebus做一日店長
【明報專訊】旅發局噚日宣布推出第三輪「賞你遊香港」，名額增至6萬個，市民只要即日起喺本地零售或餐飲商戶實體店消費滿800蚊，儲起收據，下月3... 詳情相關新聞
