【Emily】工程界撼盧偉國 黃偉信返「娘家」拉票
[2021.11.24] 發表
【明報專訊】立法會工程界議席，有黃偉信挑戰爭取連任嘅盧偉國，呢個界別選民分散各處，兩人連日都要跑場拉票。黃偉信話噚日第一站係返「娘家」，去到火炭港鐵大樓外擺街站。佢話港鐵係佢專業鐵路工程師嘅起點，噚日重遇好多前同事，大家都交換咗唔少對香港規劃同工程項目嘅想法。黃偉信都獲得一啲重量級人物支持，佢facebook早排就出帖，發展局前局長麥齊光都公開撐佢，麥話黃偉信係充滿活力嘅年輕工程師。
盧關注都市廢物 話香港要變
另一邊廂嘅經民聯盧偉國都唔敢怠慢，到訪唔同工地搵選民，噚日朝早去葵涌國瑞路擺街站，因為嗰度有中國港灣負責建造「石鼓洲綜合廢物管理設施」，裏面有工程團隊開工。佢話自己多年來對都市廢物管理問題非常關注，話香港要變，處理廢物嘅政策與措施都要變，仲要鼓勵源頭減廢。
更多港聞
【明報專訊】因前年10月20日九龍大遊行被判入獄14個月嘅社民連黃浩銘，近日透露獄中生活，提到自己最鍾意跑步同捉中國象棋，跑步仲有助減肥、思...
詳情
龍翔官中停辦 併入九龍工業學校 中三生明年要轉校 教局盼合併可起牽頭作用
【明報專訊】適齡學生人口下跌危機逼近中學，繼有官立小學要逐步停辦，1970年創辦、黃大仙的龍翔官立中學亦會於2024/25學年停辦。教育局昨... 詳情
相關新聞
