【Emily】1986至去年 死亡率跌43% 男女平均壽命82.9及88歲 冠絕全球
[2021.11.16] 發表
【明報專訊】香港人愈嚟愈長壽，最新嘅男女平均預期壽命更冠絕各大已發展經濟體。政府統計處噚日出版新一期《香港統計月刊》，當中載有1986至2020年本港死亡數字。處方話，男性平均預期壽命由1986年嘅74.1年，增至2020年嘅82.9年；女性就更犀利，平均預期壽命增至88年。與其他已發展經濟體比較，本港男女壽命都係最長，緊隨其後嘅分別係日本同新加坡。
腫瘤成死亡首要原因
死亡率方面，喺扣除人口嘅年齡性別結構影響後，本港標準化死亡率由1986年嘅每千人有10.5人死亡，下跌43%至2020年每千人有6人死亡。唔同年齡嘅死亡率都有大差別，統計處話一般嚟講，出生後第一年死亡率好高，而喺1986至2020年，初生嬰兒死亡率最顯著改善，男女死亡率分別跌71%同81%。
至於死亡原因，統計處話喺1986至2000年，男性因腫瘤死亡嘅數目較循環系統疾病多，而循環系統疾病就係女性死亡嘅首要原因。不過到咗2016年，腫瘤亦成為女性死亡嘅首要原因。喺2020年，腫瘤分別佔男女死亡數目嘅32%同28%。
更多港聞
【Emily】「自身一向安全」 馬仲儀移英續行醫
【明報專訊】公立醫院近月醫護流失率上升，醫管局主席范鴻齡曾推斷升幅與移民有關，形容情况有惡化趨勢。公共醫療醫生協會（PDA）前會長馬仲儀（圓... 詳情
【Emily】《選擇》45歲生日 首個明星封面係張國榮
【明報專訊】消委會《選擇》月刊噚日迎來45歲生日，並發布第541期。自從上年2月因為疫情轉為網上記者會後，噚日消委會終於回歸實體記者會，總幹... 詳情
【明報專訊】關閉咗18年嘅三級歷史建築中環街市，經過市建局活化同保育後，營運空間今年8月開始試業，吸引唔少市民行街同打卡。負責營運中環街市嘅...
詳情
相關新聞
