【Emily】大坑巴士線「復活」 楊雪盈：工作冇白費
[2021.10.14] 發表
【明報專訊】港島線西延線通車後，來往銅鑼灣同西環一帶嘅5號巴士幾年前已停辦。運輸署去年試營運5B特別班次，由大坑開往堅尼地城，近日正式成為恆常班次。早前被取消資格(DQ)嘅灣仔區議會前主席楊雪盈雖然離開咗崗位，但對此仍然好關心；佢噚日喺facebook出帖，憶述自己喺5號巴士停辦後，當初曾經同團體「公共運輸研究組」數車、開無數會議、喺區議會「叫喊」咗無數次，甚至搞過「大坑巴史導賞團」。佢認為現時5B路線，填補咗大坑早上繁忙時段出中上環嘅空隙。
憶社區工作棘手
「要以十年計意志來講點解得」
楊雪盈深有感觸，佢提到，各部門一定會用以年計嘅時間同你講唔得，「你就要以十年計的意志來講佢知到底點解得」，佢話如果改善到社區問題，一早就改善咗，去到議員層面就一定棘手，「社區工作就是如此啊」。楊雪盈近日忙於計數同執辦事處，但佢話覺得之前所做嘅嘢都冇白費，希望大家喺不同位置上為社區努力。
更多港聞
【明報專訊】來屆立法會嘅議員數目由70人增至90人，立法會將有改裝工程。Emily近排見到位於立法會大樓2樓嘅會議室4，有唔少工程人員出入，...
詳情
【明報專訊】2019反修例風波，由學生成立、冠以校名的「關注組」湧現。東華三院黃笏南中學上周向家長發信稱，早前有學生被捕，調查期間發現一個與...
詳情
【明報專訊】香港中文大學周六（16日）舉辦網上本科入學資訊日，網上平台設110個「展位」，並設多場入學講座直播及即時問答環節，介紹入讀中大的...
詳情
相關新聞
