【Emily】美影星徵港特色相 網民貼六四燭海
[2021.10.06] 發表
【明報專訊】主演《心跳500天》、《潛行凶間》嘅美國影星Joseph Gordon-Levitt上年喺社交媒體公開徵求香港嘅相，製作嘅短片剪輯咗唔少反修例示威嘅片段。佢噚日再喺facebook徵求香港朋友分享令香港特別嘅相片，可以係食物、地方、景點等。有網民提供天壇大佛嘅相，有人分享香港郊外靚景，城市景觀當然唔少得，都有人留言再次分享反修例示威、元朗7．21事件(圖)，同六四維園集會嘅燭海。
此外，亦有人上載劏房相片，一間斗室一張轆架牀，人與廁所同睡。該網民以英文留言介紹，喺一間50平方呎嘅劏房，係一個4人家庭嘅屋企，有時會有不速之客，例如老鼠、跳蚤、蟑螂同蚊。該網民仲話，唔好以為呢間不人道、唔衛生、有臭味嘅房間租金好平，呢類房大部分都要月租6000港元。
更多港聞
【明報專訊】行政會議成員負責協助特首決策，不過唔少市民唔識佢哋。香港民意研究所上月做民調，訪問約千人，先邀請受訪者講出5名最熟悉嘅行會非官守...
詳情
設運動員分享會 望學生參與體能活動 教局推「躍動校園」體育計劃
【明報專訊】學生做運動除了靠學校常規體育課，培養日常習慣更重要。教育局昨日宣布，本學年啟動「躍動校園 活力人生」（Active Studen... 詳情
大人ing：台上炎明熹 台下王佳恩 做好眼前 再想將來
【明報專訊】電視台歌唱選秀節目《聲夢傳奇》「三料冠軍」炎明熹，本名王佳恩。比賽後，除了學生，還多了藝人、歌手的身分，最近更有出道新歌《真話的... 詳情相關新聞
