【Emily】「搵得嘅都係自己人，保證唔hard sell」 辭區議員 趙柱幫轉行做地產

沙田前區議員趙柱幫上載自己地產代理牌照，話大家如果要買樓賣樓、出租放租都可以搵佢。（趙柱幫fb圖片）

【明報專訊】區議員宣誓先後導致大批民主派區議員辭職、被DQ，唔少人都有新去向。原本係沙田區議員嘅趙柱幫7月辭職，佢噚日透露轉行做地產代理，仲上載咗自己張牌照，叫大家如果要買樓賣樓、出租放租都可以搵佢，仲話相熟朋友佣金折扣一定畀到盡。佢話嚟緊會主打沙田區物業，包括馬鞍山、沙田、大圍、火炭一帶。不過，佢慨嘆自己一畢業就從事社福行業，「真心未完全習慣」，又話搵得佢嘅都係自己人，「保證唔會hard sell，從來唔鍾意勉強人」。

趙柱幫上月底曾經出post，提到新工作係經家人介紹，「係一份自己從來無做過嘅，亦都係以前自己比較抗拒嘅職業」；不過礙於7至8月要處理結束議員辦事處嘅手尾，唯有靠新工作嘅彈性工時同僅有底薪支撐。

DQ區議員梁翊婷物資送街坊

至於早前被裁定宣誓無效嘅觀塘前區議員梁翊婷，噚日就舉行「十一國慶大酬賓」，因為辦事處要結束，為感謝街坊一直支持，免費送出大量物資，根據佢上載嘅照片，分別送出口罩、桌上遊戲等，唔少街坊到場領取物品後，都同梁翊婷合照留念。

更多港聞

【Emily】警隊普通話歌賀國慶 字幕用簡體

【明報專訊】噚日國慶，香港警察推出《捍衛香港》主題曲普通話版，仲上載MV到社交媒體。MV由歌手鍾鎮濤領唱，兩個警員出鏡合唱，成個MV字幕都係... 詳情

【Emily】退公民黨區議員：從不認同「墨落無悔」

【明報專訊】新界嘅區議員下周宣誓，舊年參與或協助過民主派初選、簽過「墨落無悔」聲明嘅都可能踩紅線。今年6月退出公民黨嘅荃灣區議會主席陳琬琛同... 詳情

【Emily】買米探劏房戶 田北辰促租管訂起始金

【明報專訊】實政圓桌立法會議員田北辰噚日同黨友莊豪鋒、社區組織協會施麗珊一齊去荃灣探訪8個劏房戶，雖然街坊同佢講唔使帶禮物，但田二少話想盡小... 詳情

【Emily】黨友探楊森 匯報C朗絕殺喜訊

【明報專訊】唔少喺獄中嘅民主派係足球迷，喺監倉就無波睇。民主黨莊榮輝話噚日同前主席劉慧卿去咗赤柱探黨友楊森，仲將基斯坦奴朗拿度（C朗）香港時... 詳情