【Emily】大律師公會換屆 梁振英：興衰存亡轉折點
[2021.09.13] 發表
【明報專訊】全國政協副主席梁振英(CY)噚日喺facebook發表一封話要畀大律師嘅公開信，佢形容大律師公會主席夏博義明年1月任期結束、放棄爭取連任，會係大律師公會興衰存亡嘅重大轉折點：「新理事會繼續搞政治則亡，專心發展專業則興」。佢指20年前發起「專業聯盟」，大律師公會一直都係發起團體同會員團體之一，惟近年公會不斷投身政治漩渦，專業服務發展不進反退，導致大律師名利雙失，不少年輕大律師嘅收入甚至不能餬口。
CY講到律師行業可以點樣發展，包括喺全國範圍內，香港嘅律師同大律師都有獨特優勢，但內地嘅法律服務香港幾乎無做，佢話係因為兩個律師會無做好法律服務嘅發展規劃等工作，認為係不思長進。
佢話近日有關前海、橫琴同南沙呢三個粵港合作重要平台嘅新政策陸續推出，「大律師公會有沒有興趣研究利用這些新平台發展新門類的法律服務？」佢呼籲大律師們係時候轉變思維，仲話願意同佢哋共同努力。
更多港聞
【Emily】房協主席談大計 建屋方向居家安老
【明報專訊】房協主席陳家樂（Walter）噚日去咗筲箕灣明華大廈一期同香港仔漁光村探訪居民，了解佢哋對居住環境同屋邨服務嘅意見；剛連任嘅佢仲... 詳情
屬教聯團體會員 教協解散翌日成立 新工會聚焦勞資糾紛 教師涉失德不受理
【明報專訊】2019年反修例風波後湧現針對涉嫌教師專業失德的投訴，而以往助教師申訴的教協前日（11日）會員通過解散，翌日教聯會團體會員「香港... 詳情
相關新聞
