【Emily】鄧炳強張建宗獲委太平紳士

[2021.09.11] 發表

【明報專訊】政府噚日刊憲，委任前政務司長張建宗做「非官守太平紳士」。政府話太平紳士主要職能包括巡視懲教院所、羈留中心或其他院所，以確保無人被不公平對待或被剝削權利；太平紳士要確保個別人士所作嘅投訴，會以公平、具透明度嘅方式處理。

創科局副秘羅應祺獲委

立選曾DQ陳浩天

張建宗為官50年，現時已過70歲，佢今年6月離任政務司長，Emily就撞過佢同家人行銅鑼灣宜家家居，相信因為要搬離官邸。

此外，政府亦委任咗29個官守太平紳士，包括保安局長鄧炳強，同埋創新及科技局副秘書長羅應祺。羅應祺曾經出任葵青民政事務專員，喺2016年立法會換屆選舉時佢係新界西選舉主任，由佢裁定時任香港民族黨召集人陳浩天提名無效。

陳浩天曾經就有關決定提出選舉呈請，2018年被裁定敗訴。

更多港聞

【明報專訊】港島區嘅區議員噚日朝早到北角社區會堂宣誓，由民政事務局長徐英偉負責監誓。呢個社區會堂運作咗大約兩年，裝修都算新淨，但噚日明明陽光... 詳情