【Emily】疫下失魂魚減 六合彩1900萬無人領

[2021.09.02] 發表

【明報專訊】上周四晚獨得9124萬元歷來六合彩頭獎最高派彩嘅幸運兒究竟攞咗支票未，馬會一貫政策守口如瓶，不過上年度無人認領六合彩彩金就已經喺年報透露咗，由前年8800萬元大減至1900萬元，減幅78%，主要係疫情期間投注站長時間暫停服務，所以唔記得去投注站領取派彩嘅「失魂魚」明顯減少。

馬會前日公布2020/21年度六合彩投注額大減34%，由51.6億元降至34億元，同樣係由於曾經關閉投注站，令六合彩攪珠去年2至9月中暫停舉行，到今年5月先恢復喺投注站售賣六合彩彩票。

2020/21年度賽馬會年報顯示，該年度無人認領嘅賽馬投注及退款為1800萬元，比2019/20年度2800萬元下跌36%，亦係因為填寫彩票投注賽馬嘅市民減少所致。

更多港聞

【明報專訊】涉及民主派初選案、正在保釋嘅李予信噚日宣布辭任東區區議員，區議會網頁顯示，佢嘅任期去到8月31日。阿信噚日喺facebook交代... 詳情

【明報專訊】政府一直都未公布究竟幾時可以同內地通關，實政圓桌立法會議員田北辰建議可以先同廣東省城市局部通關，因為香港同廣東省長期都屬低風險地... 詳情

【明報專訊】新學年伊始，在移民潮下，有學生甫開學便快將與同儕離別。有就讀九龍傳統名校的高中生表示，同級10多名同學已經移居海外，但是自己「始... 詳情

【明報專訊】港大早前因學生會評議會通過「感激」七一刺警疑犯議案而不再承認學生會，有立法會議員關注大學學生會在校內管治角色。教育局長楊潤雄昨書... 詳情