【Emily】速凍餐提取機助基層 冀增至50部
[2021.08.31] 發表
【明報專訊】疫情持續令失業率較過往高，基層生活更見艱難，惜食堂上年9月加入馬會嘅「賽馬會逆境同行食物援助計劃」，推出24小時速凍餐自助提取機服務「自在食」，以創新同具彈性嘅取餐方式，為受助者提供過渡性質食物援助，惜食堂話服務至今已為逾3500名合資格者提供27萬個速凍餐，喺全港7區設置咗20部速凍餐自助提取機。
呢個項目為期3年，希望喺全港設置50部速凍餐自助提取機，為有需要家庭及人士提供過渡性質食物援助。每名獲批服務嘅市民會收到惜食堂「自在食」手機應用程式發出嘅電子會員證，去自助提取機用二維碼選餐，取餐過程只需約1分鐘。
現時20部機分設於較多貧窮市民嘅區域，包括深水埗、觀塘、元朗、屯門等，惜食堂話，未來兩年會更積極找尋合適地方，於各區多設30部速凍餐自助提取機，並誠邀有意提供場地嘅團體或企業成為同行者。
更多港聞
【Emily】廠商會疫苗抽獎 百萬簽帳額得主誕生
【明報專訊】香港中華廠商聯合會噚日舉行「有種?有賞」疫苗獎賞計劃首輪大抽獎，由廠商會會長史立德、永遠名譽會長陳永棋一齊抽出一名幸運兒，獨得1... 詳情相關新聞
