【Emily】法案委員會最少要3議員 陳克勤：掃走鄭松泰 影響一條法例審議
[2021.08.30] 發表
【明報專訊】熱血公民鄭松泰被資格審查委員會裁定唔符合做選委會當然委員，連帶被DQ立法會議席。建制派「副班長」、民建聯陳克勤就以此嚟同大家講議會小知識，因為根據《議事規則》第76(3)條，每個法案委員會最少要由3名議員組成，而原來最近成立嘅《2021年電訊(修訂)條例草案》委員會，隨住鄭松泰被DQ，得番克勤同黨友葛珮帆兩個人！佢話，雖然佢認為鄭松泰被DQ係咎由自取，不過掃走咗佢，都可能影響一條法例嘅審議工作。
克勤同Emily講，如果喺9月4日加入法案委員會限期截止前，都冇多一個議員加入，咁法案委員會就成立唔到，條例就會直接上大會，恢復二讀、三讀表決。
《2021年電訊(修訂)條例草案》目的包括促進5G服務發展，以及確保規管架構能緊隨科技發展與時並進。
更多港聞
【Emily】梁美芬搞壁畫 邀劏房童畫Dream House
【明報專訊】港澳辦主任夏寶龍早前關注香港劏房籠屋問題，經民聯立法會議員梁美芬早排同多個團體發起平台「凝聚民心」，搞咗一個大型壁畫活動，由幾十... 詳情相關新聞
