【Emily】初選案鍾錦麟獄中推介聽《林中鳥》
[2021.08.14] 發表
【明報專訊】民主派初選案多人還押，包括西貢區議會前主席鍾錦麟(Ben)。立法會前議員邵家臻噚日探佢，透露Ben目前喺赤柱單獨囚禁，囚倉較舊，冇風扇但有窗，比較焗熱。Ben一向鍾意歌手林欣彤，阿臻話佢無論喺警署、監房都係哼林欣彤嘅歌，仲建議大家聽《林中鳥》。
Ben被捕時女女得幾個月大，𠵱家開始識爬。之前Ben喺獄中負責貼信封，𠵱家轉為製作政府文件夾嘅外皮、用卡紙左貼右拼，認為都算係服務市民。對於教協解散，阿Ben話要記住人與人嘅關係先係最根本，「天變地變，人同人的關係不要變，還要好好正常生活，這已是無負於時代」。
袁嘉蔚清減咗 講起MIRROR好雀躍
商台前DJ Leo噚日去探南區前區議員袁嘉蔚(Tiffany)，笑言Tiffany特意紮起頭髮、瀏海梳到齊齊整整，好靚女，精神唔錯但清減咗少少，對香港現况跟得幾貼，講起人氣組合MIRROR同ERROR時都好雀躍。
更多港聞
相關新聞
