【Emily】「創科實習計劃」吸1700大學生

[2021.08.03] 發表

【明報專訊】暑期實習係大學生吸收社會經驗嘅好機會，創新科技署發言人噚日話，今年暑假展開咗新一輪「創科實習計劃」，過去兩個月吸引咗超過1700名大學生參加，已超過去年全年總人數，另外約1000間公司或機構參與，差唔多係去年全年總數，反映計劃受學界同業界支持。

1000公司參加有人趁機揀蟀

呢個計劃旨在鼓勵學生喺在學時期體驗創科嘅工作，及早培養佢哋日後投身創科事業嘅興趣。計劃為修讀STEM課程嘅大學生提供唔少於連續4個星期嘅實習機會，每月有10,500元津貼，最長每學年3個月。

生物醫學科技控股有限公司首次參與計劃，公司科學主任徐摯情話計劃為公司增加人力資源，學生亦高質，公司可以從中挑選合適者作為未來員工，亦可以為培育新一代創科人才出一分力。獲該公司聘用嘅中大生物醫學理學士四年級生伍焯謙就大讚實習令佢大開眼界，可以走入現實世界了解資訊科技點樣結合生物科技，應用喺商業社會嘅科研工作上。

更多港聞