【Emily】警隊七一推普通話版《捍衛香港》
[2021.07.02] 發表
【明報專訊】警方去年10月推出主題歌《捍衛香港》，噚日七一回歸紀念日，警隊推出普通話版《捍衛香港》，舊曲賦新詞，同樣由藝人鍾鎮濤主唱。主題曲噚日率先喺警隊微博首播，帖文寫話全新歌詞予人更深刻、更立體嘅警隊形象。MV有唔少2019年反修例示威場面，另有國家主席習近平同少年警訊成員握手嘅畫面。
普通話版歌詞提及，「被誤會/被中傷/才讓微笑更有力量」、「信念從未變/坦蕩蕩/寫在臉上」等，MV嘅字幕係簡體字；MV最後一幕，一班警員用普通話一齊大叫「我們是香港警察」。普通話版MV噚日亦有喺警隊嘅facebook節目《警聲直播》播放，節目另外介紹中區警署報案室值日隊嘅工作。
更多港聞
教大助幼園STEM融入課程 介紹景點時 增教樂園設施滑輪系統
【明報專訊】學界近年推動STEM教育，教育大學亦為幼稚園度身訂做STEM課程。教大派專家到參與計劃的幼稚園，協助校方將STEM元素融入原本課... 詳情
相關新聞
