【Emily】立會議員民意評分 葉劉拎第一
[2021.05.06] 發表
【明報專訊】民主派總辭後，立法會主要剩低建制派，香港民意研究計劃喺今年4月分兩階段做電話調查，得出五大立法會議員評分，但全部不過50分，頭五位依次係葉劉淑儀(圖)(39.8分)、謝偉俊(39.5分)、李慧琼(38.6分)、梁美芬(32.9分)及鄭松泰(28.3分)。葛珮帆雖得32.4分，但因認知率較低被剔除。民調顯示，李慧琼同梁美芬評分較上次調查顯著上升，而謝偉俊嘅評分就係佢2010年首次被評分以來嘅新低。
台藏獨立支持率大跌
民調亦問及受訪者對台灣及西藏問題方面嘅睇法，顯示支持台灣及西藏獨立比率大跌、反對獨立則急升。贊成台灣重新加入聯合國嘅淨值(贊成減反對比率)係正6個百分點，較半年前顯著下滑20點，係2011年以來新低。台灣獨立方面，淨值係負18個百分點，即反對比贊成多，較半年前顯著下跌18點。至於贊成西藏獨立嘅淨值為負38個百分點，較半年前顯著下跌 25點。
更多港聞
【Emily】海事博物館月中兩日免費 展港首份中文報
【明報專訊】為慶祝國際博物館日，香港海事博物館喺今個月15號同16號會免費開放畀公眾參觀，到時館內會舉行以燈塔為主題嘅特備節目《夜航明燈——... 詳情
【明報專訊】「公民與社會發展科」新學年中四起逐步取代通識教育，惟目前未有課程指引及教科書。教育局昨稱正與考評局編訂「課程及評估指引」，又承諾...
詳情
相關新聞
