【Emily】港台普通話台新環節 搵「姐姐們」分享 兩粒鐘吸600嬲嬲 港島婦聯有份製作

香港電台普通話台節目《新紫荊廣場》嚟緊有新環節，訪問事業女性。港台前日搵咗高志森（左起）、徐小明、黃百鳴，以及嘉賓港島婦聯，宣傳新環節。背景以桃紅色字打出「姐姐們你好」環節名。右二為港島婦聯主席金鈴，右三為港島婦聯首席會長張朱秋慧。（港台facebook圖片）

【明報專訊】香港電台嘅節目動態好多人關注，佢哋公布新節目內容，普通話台節目《新紫荊廣場》喺下星期一(26日)開始，推出同香港島婦女聯會一齊製作嘅新環節「姐姐們你好」，話專訪唔同嘅事業女性。港台前日(19日)就邀請電影製作人黃百鳴、導演高志森同徐小明宣傳新環節。不過睇嚟網民唔太受落，港台噚日喺facebook發布宣傳帖文兩個鐘，已經吸咗超過600個「嬲嬲」，「like」就有十幾個。

黃百鳴高志森應邀宣傳 邀各階層事業女性分享

3名電影圈男士應節目主持邀請，到港台傾吓「姐姐們你好」環節嘅構思同由來。港台話佢哋分享咗對新時代女性嘅睇法，仲即場送花畀出席活動嘅香港島婦女聯會主席同首席會長，向佢哋致敬。港台話，新環節會邀請13名唔同階層、工作背景嘅事業女性，分享佢哋克服困難嘅故事。

網民：「姐姐」以為講女傭

然而新環節好似唔太受網民歡迎，宣傳帖文喺facebook發布咗兩個鐘，吸到嘅「嬲嬲」遠多過「讚好」。有網民話，見到環節名提到「姐姐」，以為講緊屋企嘅女傭；亦有網民講笑話，港台邀請嘅嘉賓分享新時代耆英嘅睇法啱啲喎。

更多港聞

【Emily】公僕工會：要求宣誓後萬宗「篤背脊」

【明報專訊】政府要求公務員宣誓同簽署聲明，有129個公務員拒簽。公務員工會聯合會總幹事梁籌庭噚日接受商台訪問，形容佢哋「好勇」，話自從政府推... 詳情

【Emily】鍾翰林獄中過生日 阿臻請大家送祝福

【明報專訊】前學生動源召集人鍾翰林因被指涉嫌違反《港區國安法》，還押超過半年，立法會前議員邵家臻噚日去咗壁屋懲教所探佢。阿臻話聽日（22日）... 詳情

【Emily】還押中譚凱邦 辭任荃灣區議員

【明報專訊】再有涉及民主派35+初選案而在囚嘅區議員辭職。荃灣馬灣嘅譚凱邦（Roy）嘅facebook公布，話呢一個多月來雖然盡力跟進區議會... 詳情

【Emily】公司股權轉讓河北政協 政助張進樂：依足程序申報

【明報專訊】有傳媒噚日報道，4月1日履新嘅民政事務局長政治助理張進樂（圖）喺上任前、去年12月底，將佢創辦嘅私人公司「易顧問」股權全數轉讓畀... 詳情

【Emily】黃國健問「手配業」係乜 謝偉俊幫政府答

【明報專訊】立法會法案委員會噚日朝早繼續審議修改選舉法例，討論內容已去到逐條法例審議，涉及唔少技術問題，噚日4個鐘頭會議，政制及內地事務局長... 詳情