【Emily】何啟明立會談最低工資 黨友：你耍我哋呀
[2021.02.19] 發表
【明報專訊】曾任立法會議員嘅勞工及福利局副局長、工聯會何啟明，噚日出席立法會人力事務委員會，講解最低工資能否由兩年一檢轉為一年一檢等議題，其間一眾議員，甚至工聯會黨友都批評政府政策。民建聯柯創盛苦口婆心咁話，落區見到基層打工仔「餐搵餐食餐餐清」真係好難過，寄語何啟明「你自己都來自勞工界，做過區議員、勞工界議員，就算換咗崗位、跑道，都應該完全明白打工仔苦况」。
「兩年一檢」遭質疑
何：入政府後明要時間
面對一眾議員質疑點解最低工資係兩年一檢，何啟明話加入政府前都諗唔到點解要咁耐，「加入(政府)後，發現要一段時間」，因政府要考慮嘅較私人企業僱主複雜，要諗嘅除咗打工仔收入水平，仲要諗埋僱主畀唔畀得起。
有關最低工資修訂草案係由工聯會陸頌雄提出，根據《議事規則》，涉及政府政策嘅議員法案要獲通過，須獲特首書面同意。
工聯會麥美娟就話，勞福局長羅致光如果唔支持草案，特首就唔會批，問何啟明有冇同羅致光傾過。何啟明話會詳細研究法案對公共開支、政府政策影響後再回覆立法會。麥美娟就質疑，當局開會前理應討論係咪支持草案，質疑何啟明「即係你耍我哋呀？唔答呀？咁你嚟開會做咩？」
更多港聞
【Emily】辭任助理勞工事務主任 顏武周：毋須自欺欺人留政府
【明報專訊】政府要求公務員宣誓或簽聲明擁護《基本法》同效忠香港特區等，前「新公務員工會」主席顏武周（圖）噚日宣布，已辭任勞工處助理勞工事務主... 詳情
【明報專訊】食物及衛生局長陳肇始、公務員事務局長聶德權等官員噚日開記招交代疫苗接種計劃，各人手持寫有標語嘅宣傳牌，包括「齊打疫苗誇啦啦，一起...
詳情
【Emily】政協人代赴深圳打第二針 何柱國籲引入國藥：唔好執輸
【明報專訊】為咗3月到北京出席兩會，全國政協委員、港區人大代表之前已經上深圳打咗「國藥」新冠疫苗第一針，噚日再分批上深圳打第二針。全國政協常... 詳情
【明報專訊】唔知大家喺新年𢭃咗幾多利市呢？環保機構「綠領行動」連續12年舉辦「利是封回收重用大行動」，由噚日起至3月3日，市民可以去全港超...
詳情
相關新聞
