【Emily】陳梓維議辦3?1啟市 對家擺街站：唔會放到年十八

[2021.02.16] 發表

【明報專訊】今日係大年初五，唔少人已經開始返工，不過油尖旺區議員陳梓維(圓圖)早前預告，話辦事處由年廿九開始收爐，一直到年十八(3月1日)先啟市，歷時逾半個月。呢個悠長假期引來建制派批評，民建聯陳恒鑌喺facebook反問「有咩工可以放假放到(年)十八？」，叫大家有事就搵民建聯求助。

陳恒鑌：有事就搵民建聯

陳梓維嘅「對家」、當區前區議員民建聯葉傲冬噚日開工擺街站，出帖仲寫「初四開工大吉」、「唔會放到年十八」。

陳梓維：噚日起已回覆市民

陳梓維其後解釋，雖然辦事處到下月先再開放，但唔等於其間唔工作，話噚日起已經回覆市民，仲話助理獲准放假至下月1日，但佢可以選擇提前返工或在家工作。

陳梓維噚日有喺facebook宣傳「油尖旺深度遊」網上導賞團、區議會嘅賀年海報。不過網民似乎唔太滿意解釋，話放到年十八係一份「世紀筍工」，「下次不如索性寫年廿八，放到去下年」。

睇番其他區議員，Emily未發現有其他人話辦事處會到年十八先啟市。北區區議員、民主黨林卓廷嘅辦事處年三十收爐，下周一(22日)啟市；公民黨沙田區議員黃文萱則喺初八、即本周五啟市。

更多港聞

【明報專訊】香港大學校園「大學街」上層嘅攤位，喺2019年反修例風波期間貼滿宣傳品，校方去年10月收番該處使用權話要做綠化，噚日所見，以前貼... 詳情

【明報專訊】疫情下失業率一直上升，不同團體曾建議政府設立失業援助金，但係勞福局長羅致光（CK）一直拒絕，佢前日接受商台節目《政好星期天》訪問... 詳情

【明報專訊】農曆新年喜慶洋洋，不過筲箕灣官立中學逾130名師生喺過年前被送去隔離，要喺檢疫中心過節。筲官校長、老師及家長等就喺年三十晚向正隔... 詳情

【明報專訊】市建局推動土瓜灣重建嘅6個項目，5個已準備清場，受影響居民陸續搬去公屋或安置單位。市建局2018年成立「市建童樂?社區樂團」（K... 詳情

【明報專訊】民建聯早前提出「變革香港」，該黨噚日喺多區都有擺街站，向市民拜年兼宣傳，其中民建聯主席李慧琼、副主席張國鈞就去咗小西灣街市外宣傳... 詳情