【Emily】陳啟宗：港經濟十年廿年返唔到轉頭
[2021.02.02] 發表
【明報專訊】恒隆集團董事長陳啟宗上年話，香港經濟千瘡百孔，「東方之珠」光芒差唔多消逝，佢噚日以「香港再出發大聯盟共同發起人」身分，接受立法會前議員陳凱欣「再出發會客室」訪問時(圖)，就話對香港經濟「好擔心、悲觀」，形容「係我哋自己將自己搞成咁」，歸咎前年社會運動「將香港經濟摧毁得好緊要」，加上疫情因素，香港經濟已進入「系統性下行」，「十年廿年返唔到轉頭」。
話八萬五正確 歸咎反對派
陳啟宗一向支持前特首董建華「八萬五」房策，佢喺訪問形容香港回歸後房策「一路方向正確」，只係少數人搞到政府做唔到嘢。佢強調「八萬五」完全正確，「邊啲人反對？係因為政治原因反對嗰班人」。
陳啟宗批評，回歸後唯一房策錯誤係曾蔭權做特首年代，「曾生唔賣地係極錯嘅決定」。對於前特首梁振英任內未能解決房屋問題，被視為「梁粉」嘅佢就歸咎「反對派」，「政治氣氛毒到一個地步，做唔到(釋放土地)」，強調新一屆立法會「千祈唔好戇居，要做嘢對香港長遠好，例如大規模賣地」。
佢再建議郊野公園建屋，話香港有41%土地係郊野公園，如果拎2%郊野公園土地出嚟，「1%基建，1%起樓」，已經多咗好多土地。
更多港聞
【Emily】查詢BNO移英 一條問題收29蚊
【明報專訊】BNO簽證計劃前日起可申請，網上填表都有過百條問題，如申請者有疑問，都想向英國方面查詢，不過有申請人發現，原來向英國政府網站查詢... 詳情
浸大校長履新 學生會冀重視民主自由 衞炳江：守護我們珍視價值
【明報專訊】香港浸會大學新任校長衞炳江昨日履新，他向教職員、學生及校友發電郵，稱作為校長重視學生成長，要令學生兼備學識、同理心、社會責任等，... 詳情
【明報專訊】新冠疫情重創本港經濟，大學聯校就業資料統計庫（JIJIS）回覆本報稱，去年第4季大學畢業生全職職位空缺約有1.2萬個，較前年同期...
詳情
【明報專訊】教育局公布5間新屋邨幼稚園校舍分配結果，獲火炭駿洋邨校舍的仁愛堂稱，新校下學年提供逾200個全日班及半日班學位，新校舍設有三大主...
詳情
相關新聞
