【Emily】談引入國藥 劉業強：市民接受先得㗎
[2021.01.30] 發表
【明報專訊】建制派力爭香港引入一直無公開臨牀研究數據嘅「國藥」疫苗，但負責審批疫苗喺香港緊急使用嘅顧問專家委員會，「底線」係疫苗有第三期臨牀研究報告。行會成員劉業強噚日同Emily講，「你搞掂法律都冇用，要市民接受先得㗎」，話顧問專家委員會係特首林鄭月娥成立，如為加入引入國藥而就繞過委員會，佢反問「咁成立委員會嚟做咩？」
對於政府抗疫表現，劉業強形容政府現時「無預算」、「等運到」，建議政府要有通盤策略控疫、恢復經濟，例如冇理由睇到啲人失業先幫，而係唔好畀人失業。佢覺得政府措施太一刀切，唔夠精準，好影響經濟活動，應盡快適度放寬。佢話政府唔開放體育場地，好多人喺疫情下「心理有問題，唔畀人做運動，啲人會身體虛弱」。
至於有咩建議，劉業強話政府可考慮畀市民做多啲新冠病毒「快速測試」，等經濟活動快啲恢復。佢透露有朋友設家宴，都會叫賓客花10幾分鐘做咗快速測試先。
更多港聞
【Emily】波哥助理電郵被hack 議員收逾期付款短訊
【明報專訊】多名立法會議員前日收到嚟自立法會通訊系統嘅奇怪短訊，平時呢個短訊系統只係提吓議員開會同投票，但前日議員收到標題係「逾期付款」嘅短... 詳情
【Emily】美容業促准復工 重裝承諾重裝待客
【明報專訊】醫護著全套保護衣見得多，原來美容師亦會「重裝」待客。美容業界噚日開記者會，10幾個代表著住全身保護衣，戴面罩、手套同頭罩，手持「... 詳情相關新聞
