【Emily】自爆生活只有工作 林鄭：近日冇時間同老公傾偈
[2020.12.01] 發表
【明報專訊】歷任特首喜好不同，曾蔭權出名鍾意養錦鯉、梁振英愛種嘢，唔知現任特首林鄭月娥有咩嗜好呢？佢接受《南華早報》專訪時就表示：冇。林太話，除咗工作之外咩都唔做，近日甚至冇時間同老公傾偈(I do nothing except work. I don't even spend time talking to my husband these days.)，並表明自己係工作狂，會奉獻每分鐘喺工作上，因為香港有好多嘢要做。
林太又話佢工作最大嘅享受並非來自大政策，如多建房屋、興建西九文化區等，反而係一啲幫到人嘅小事，例如協助罕見病病人獲得藥物、為弱勢家庭提供電腦等協助。
被美國制裁嘅林太早前受訪時自爆以現金出糧，佢喺訪問中被問到將錢擺喺邊，佢透露放喺禮賓府樓上一個櫃桶(「Upstairs, in a drawer」)。佢亦自言薪金優厚，「好少機會使錢」，所以每次只係提取一部分，其他就收藏起嚟，日後先拎番出嚟，但佢話嗰度都有好多現金吓。被問到制裁係咪影響到家人，佢只係話家人完全支持佢，但就唔想透露細節。
推逃犯例唔覺內疚：我做錯乜？
對於去年反修例運動，引伸至今年《港區國安法》推出，林太表明唔覺得內疚，「我做錯乜嘢？(What wrong have I done?)」，強調推《逃犯條例》修訂係出於好好嘅原因(for very good reasons)，唯一問題只係未能全面解說。
更多港聞
【Emily】白鴿「民主青年」新常委 最細23歲
【明報專訊】民主黨過去畀人印象相對歷史悠久，其實佢哋都有唔少年輕黨員，話說該黨早前選出新一屆「民主青年」常委會，由南區社區主任陳堡明任主席，... 詳情
【Emily】張超雄退休 訪受助者輯錄成電子書
【明報專訊】擔任議員12年、一直關注弱勢社群議題嘅張超雄（阿Fer），今日正式退下議會火線後將退休。過去阿Fer跟進同處理眾多弱勢社群個案，... 詳情
【Emily】港台編導查冊做新聞 陳建強比喻揸車衝燈
【明報專訊】香港電台近年處於風暴中，早前《鏗鏘集》編導蔡玉玲更因查冊而被檢控。港台顧問委員會前主席陳建強接受民建聯葛珮帆（EQ）訪問，佢質疑... 詳情
【Emily】石禮謙話可憐特首 「好領袖要令人心服口服」
【明報專訊】特首林鄭月娥近日話自己已回復信心，又話唔會以市民喜歡與否作施政宗旨。對於林太言論，經民聯石禮謙噚日表明「我可憐佢」，話若管治要令... 詳情
【明報專訊】新冠病毒疫情嚴峻，全港中小學及幼稚園明起暫停面授課堂及校內活動，直至學校聖誕假期開始；補習學校亦停課兩周。今次停課留有彈性安排，...
詳情
相關新聞
