【Emily】「建制泛民議員質素每况愈下」 馬時亨：應該搵人組新政黨

馬時亨噚日網台節目話，目前香港政治生態比十幾年前差，議員質素每况愈下，「（好似）曾鈺成同李柱銘辯論嘅鏡頭，𠵱家邊度仲有？」（資料圖片）

環境局前副局長陸恭蕙（左）接受《視點31》訪問，佢話如果只以黃、藍呢條線去分，應該有好多人唔知道自己屬於邊一面；又呼籲建制派「畀個地球轉」，未來一年快啲傾埋「垃圾徵費」。（節目截圖）

【明報專訊】社會對立嚴重，點樣化解分歧係一大問題。財經事務及庫務局前局長馬時亨就話，應該搵人組織一個新政黨，吸納退休官員、政府委員會嘅青年等精英，帶香港走出困境。環境局前副局長陸恭蕙話如果要解決政治問題先去處理其他事宜，相信香港有好多中間派、理性派會無位企。

馬：吸納退休官員青年精英

馬時亨噚日接受民主黨前主席劉慧卿主持嘅網台節目《議會內外》訪問，佢話目前香港嘅政治生態比十幾年前差，不論建制同埋泛民議員質素都每况愈下，「(好似)曾鈺成同李柱銘辯論嘅鏡頭，𠵱家邊度仲有？」馬時亨形容議會好似「鬧交場」咁，精英為免喺議會受人「侮辱」就唔加入政府；又認為香港真係需要好大嘅改革。

陸恭蕙：只分黃藍 好多人唔知企邊

陸恭蕙周二接受港台節目《視點31》訪問，佢話香港嘅政治有黃、藍，如果只以呢條線去分，應該好多人唔知自己屬邊一面。陸恭蕙認為，如果話要解決政治問題先去處理其他事宜，「𠵱家面對大灣區或深圳再起飛，香港點呢？咁我哋冇得傾㗎喎」。

陸恭蕙做環境局前副局長時曾力推「垃圾徵費」，但最終都要擱置。佢話現屆議員多咗一年任期，「垃圾徵費」亦重新提交，認為社會上，包括商界中人都希望呢件事可以前進，呼籲建制派「畀個地球轉」，快啲傾埋個議題。

更多港聞

【Emily】DQ許智峯投票 陳沛然話盡量在席

【明報專訊】民主黨許智峯因為搶手機案，畀建制派提出譴責動議，相關議案已排喺立法會議程上，屆時會係表決階段。許智峯會否被DQ失去議席，關鍵之一... 詳情

【Emily】做民陣召集人 陳皓桓冀跳出框框

【明報專訊】民間人權陣線前日開大會，確認原副召集人陳皓桓（Figo）接棒做「召集人」。Figo話現時限聚令下，民陣「做唔到啲咩」，申請遊行、... 詳情

【Emily】是否除名 英律師管理局將聆訊 唔針對何君堯 裴倫德開條件

【明報專訊】建制派議員、律師何君堯2017年喺一個集會上，喺時任屏山鄉委會主席曾樹和大叫港獨者應「殺」時，佢加上一句「無赦」。英國保守黨人權... 詳情

【Emily】赤柱探3囚友 阿臻被懲教安排分3日

【明報專訊】懲教署早前因應疫情，暫停所有非緊急、非必須公務探訪，社福界立法會議員邵家臻近日申請去赤柱監獄做「特別公務探訪」，點知被安排分別喺... 詳情

【Emily】仁安免費班 招被裁空服員做醫護助理

【明報專訊】國泰航空裁員，仁安醫院宣布噚日開始，受裁員影響嘅機艙服務員可免費修讀仁安嘅醫護支援人員（臨牀病人服務）課程，名額100個，學員完... 詳情