【Emily】秘書要求議員坐公眾席共用咪 膠紙封位防疫 黃偉賢：本來仲安全

元朗區議會噚日開會時，秘書要求議員隔開1.5米坐，部分人被分配到公眾席，仲黐膠紙封起部分位。元朗區議會主席黃偉賢批評做法肉酸，當佢哋係幼稚園學生咁。（王百羽facebook圖片）

【明報專訊】元朗區議會噚日開交通及運輸委員會會議，秘書要求議員隔開1.5米坐，公眾席亦用膠紙封起部分位置。元朗區議員王百羽(王伯)喺facebook形容件事好滑稽，有啲議員仲被要求坐上公眾席，但就要共用兩支無線咪。元朗區議會主席黃偉賢亦認為，本來議員座位上都有獨立咪，仲安全啲。

黃：秘書同官員傾偈都冇隔開

「王伯」話噚日開會時，大秘書要求所有議員隔開坐，唔夠位坐，就叫議員坐去公眾席，公眾席仲黐咗膠紙，令每個人坐都要分開1.5米；坐喺公眾席嘅議員要共用兩支冇錄音功能嘅無線咪，但係協助主席嘅秘書又無同主席隔開坐。「王伯」同Emily講，疫情持續咗咁耐，都係噚日先出現咁嘅情况，佢哋都冇跟到呢個要求，直接坐番去自己座位。

主席黃偉賢亦被要求坐上公眾席開會，佢話之前議員都會自動隔位坐，但秘書噚日要佢哋隔兩個位，唔夠就劃埋位要議員坐去旁聽席，仲黐埋牛皮膠紙唔畀佢哋坐近，形容做法「肉酸」。佢仲留意到，秘書同啲官員喺休息室傾偈都冇隔開1.5米，覺得係「只准州官放火，不許百姓點燈」。

區議員方浩軒都喺facebook話，去到開會以為區議會被人「抄家」，覺得「世上無完美嘅抗疫措施，但起碼係合乎常理同有科學根據囉」。

更多港聞

【Emily】兩副秘升署長 譚大鵬掌稅局

【明報專訊】政府噚日公布官員任命，現任政制及內地事務局副秘書長羅淑佩會喺9月升任運輸署長；公務員事務局副秘書長盧世雄將於本月24日升任工業貿... 詳情

【Emily】袁海文掛勿醉駕橫額 對正楊明燉湯店

【明報專訊】藝人楊明上星期六喺半山炒車剷上石壆，身上有酒氣，涉嫌拒絕提供血液樣本被捕保釋。民主黨深水埗區議員袁海文噚日喺佢選區內、楊明開設嘅... 詳情

【Emily】李梓敬笑新西蘭 何桂藍批抽錯水

【明報專訊】新西蘭外長周日聯同其他4國發聲明，「嚴正關注」港府唔成比例咁押後立法會選舉。新民黨李梓敬喺facebook發文，批評新西蘭嗰頭發... 詳情

【Emily】稱無外國護照 薛永恒：好可能死於斯

【明報專訊】美國早前宣布就《港區國安法》制裁11名中港官員，創新及科技局長薛永恒噚日現身民建聯立法會議員葛珮帆（EQ）嘅YouTube節目，... 詳情

【Emily】警上載推輪椅相 阿sir企位惹猜疑

【明報專訊】香港警察前日喺Instagram上載咗一張相，係落雨期間一名警員推住坐輪椅男子前行嘅背影，但因為警員推輪椅時唔係企正喺輪椅後面，... 詳情