【Emily】阿聰公園觀天 暫紓焦躁煩擾
[2020.08.03] 發表
【明報專訊】立法會前議員羅冠聰被警方以涉嫌違反《港區國安法》通緝，唔少人關心佢嘅人身安全。阿聰前晚喺facebook開live報平安後，噚日再出帖，話自己即使係孤身一人，都知很多人喺佢身旁，喺每個戰場上奮鬥。
阿聰喺fb貼咗張公園相，兩旁翠綠大樹林立，樹下有人坐喺長椅歇息。阿聰話前日去咗倫敦著名嘅公園，靜看雲層飄移、暮色更迭同天空幻變，而草叢中嘅松鼠、狐狸就自得其樂。
佢話呢幾日一直瞓唔好，怕一早起牀就會收到香港嘅壞消息，「心情緊張得需要與自然、小動物相處，來提醒自己嘅渺小，和生存嘅各種意義」。佢鼓勵大家都偷啲時間，緩解刻下焦躁煩擾內心，好好照顧自己，準備繼續喺泥濘中負重前行。
更多港聞
【明報專訊】早前參選九龍西嘅中科興業董事總經理潘焯鴻，同新民黨主席葉劉淑儀政治立場唔同，但原來兩人都去同一西裝店做衫，不過潘焯鴻似乎好在意網...
詳情
相關新聞
