【Emily】初選落敗轉跑道 林景楠戰進出口界
[2020.07.28] 發表
【明報專訊】民主派初選有逾61萬市民投票，部分初選落敗者「轉跑道」選功能組別。曾揚言考慮進攻進出口界嘅阿布泰國生活百貨創辦人林景楠(Mike)喺新東初選落選，佢噚日再度宣布參選進出口界，但暫未獲足夠提名。傳統功能組別要10張提名票。
Mike噚日喺FB出post話，初選後身邊朋友都遊說佢出選進出口界，見到界別繼續冇競爭，佢希望為港人、業界發聲，所以再度宣布出選。喺新東初選排名第8嘅社工呂智恆，早前宣布轉戰社福界，噚日報名參選。
巫堃泰選新西：給選擇不認同初選者
部分反對初選嘅民主派亦宣布參選立法會。屯門區議員巫堃泰(Michael)噚日宣布參選新界西，佢認為唔buy初選、又想投務實進步派嘅大有人在，佢係畀多個選擇市民。
Michael噚日喺元朗西鐵站外見記者，其間有多名軍裝警員突然到場，拉起封鎖線包圍佢同現場的記者並搜身，其後警告指現場涉違反「限聚令」。
更多港聞
【Emily】民建聯劉佩玉選區一 劉國勳讚有勇氣
【明報專訊】新一屆區議會民主派佔大多數，民建聯仍派出「倖存」嘅深水埗區議員劉佩玉出戰區議會（第一）（區一）硬撼。劉佩玉（圖）噚日報名，現區一... 詳情相關新聞
