【Emily】話國安法如販毒例 EQ：市民唔覺有影響
[2020.06.30] 發表
【明報專訊】「港區國安法」仍未公布草案內容，公民黨主席梁家傑日前質疑，條例影響全港700萬人但條文連特首都未睇過。民建聯立法會議員葛珮帆(EQ)噚日回應國安法時就反駁傑哥，並以販毒類比港區國安法，EQ強調，港區國安法只係針對非常少數有心勾結外國勢力、干預香港事務、參與恐怖活動嘅人，正如香港有好嚴厲嘅販毒法例，但如果一般市民唔販毒，就唔會覺得有關法例係影響日常生活。
至於今次立法遲遲未見草案，EQ只係話人大常委立法都有規矩、程序；同場嘅民建聯周浩鼎就認為，港人意見都已經向人大反映，會尊重國家立法機制。兩人都話好多市民希望盡快落實港區國安法，阻止「外國勢力」干預香港事務，又強調刑罰一定要重、要有阻嚇力。
更多港聞
【Emily】《文匯》點名「獨人」 劉頴匡：沒授權做代理人
【明報專訊】民主派下月舉行初選，《文匯報》噚日全版報道話有9名參選人「暗獨」、「提倡香港民族意識」等，其中被點名「獨人」嘅民間集會團隊發言人... 詳情
【Emily】慶成立120年 中總派糉1.2萬隻
【明報專訊】香港中華總商會今年成立120周年，為熱烈慶賀，同時為全港市民抗疫打氣，特別舉辦派送愛心糉公益活動，將12,000隻糉送到港九新界... 詳情相關新聞
