【Emily】阿廸慢必潑臭水各被追11萬 行管會話唔賠扣人工
[2020.06.20] 發表
【明報專訊】立法會議員許智峯、朱凱廸、陳志全(慢必)喺審議《國歌法》期間，分別將腐爛植物踢向主席台、潑臭味液體，令會議休會。行管會早前通過向3人追討賠償，佢哋噚日分別收到帳單，阿廸同慢必兩人分別要賠超過11萬元；阿峯就要賠5.2萬(見圖)。阿廸話行管會要求佢喺26號前繳付，唔畀就扣人工，批評「同老屈無分別」；阿峯就話「唔同意，唔會畀」。
許智峯：唔會畀
慢必：遇到碰瓷黨
阿廸同慢必噚日齊齊開live講解收到嘅帳單，慢必形容喺立法會遇到「碰瓷黨」，佢話當日所潑嘅係「遺臭萬年水」，用以抗議極權政府，佢哋又質疑帳目，包括點解電費仲貴過清潔工人嘅薪金、點解清潔完地氈又要換、點解冇搵多幾間公司報價等。
阿廸：田北辰嫌臭可同佢調位
帳單中有約6.2萬係用嚟更換議員枱同座椅，慢必話相信田北辰座位係「重災區」，阿廸就話「田北辰覺得好臭，我同佢調位囉……我坐埋上去囉」，唔明點解抹唔走。佢相信行管會搞咁多嘢，都係為咗阻嚇未來議員唔敢亂喺會議廳抗爭，話要諗埋點克服議會抗爭成本。
更多港聞
【Emily】女神進駐前 人大胡曉明離開Chickeeduck
【明報專訊】童裝店Chickeeduck喺荃灣分店擺出「香港民主女神像」，成為一時熱話。全國人大代表、中華總商會副會長胡曉明同胞弟胡亮明，本... 詳情
【明報專訊】電訊盈科旗下收費電視台Now TV近日人事變動不斷，繼日前電訊盈科宣布委任曾任無綫新聞中國組主管嘅陳鐵彪，接任新聞及財經資訊主管...
詳情
【明報專訊】政府派發1萬元聽日（21日）開始接受登記，唔少人都會諗點消費，九龍樂善堂同伙伴機構「學校起動」計劃，以及香港大學社會科學院一同發...
詳情
相關新聞
