【Emily】傳有意參選 近期較活躍 霍啟剛世界閱讀日陪仔睇書
[2020.04.21] 發表
【明報專訊】4月23日係世界閱讀日，盛傳有意出戰9月立法會「體育、演藝、文化及出版界」嘅港協暨奧委會副會長霍啟剛，喺facebook分享同囝囝一齊睇書嘅相片同有關讀書嘅短片。佢同太太郭晶晶一齊同囝囝睇《電車小叮在那裏？》，話想借世界閱讀日鼓勵更多家長同小朋友一齊閱讀，而揀呢本書分享，係因為香港生活節奏快，而佢就好鍾意坐電車，可以令佢生活節奏慢落嚟。
近排霍啟剛喺網上轉趨高調，如早前就喺fb分享最愛音樂係港產片《逆流大叔》嘅主題曲《逆流之歌》，又話早前喺藝術發展局認識該電影導演陳詠燊。佢fb亦有分享好多同體育有關嘅事，包括電影、書或體育，似乎都同佢有意出戰嘅界別有關。
公共圖書館推活動響應閱讀日
另外，香港公共圖書館為響應世界閱讀日，亦推出唔同活動，包括喺YouTube上載由香港青年作家游欣妮、梁偉洛(可洛)分享閱讀點樣改變佢哋人生等嘅短片，網絡作家藍橘子亦將喺網上直播與粉絲互動及創作故事。公共圖書館亦推出電子書推廣活動，會喺兩大中文電子書庫HyRead和SUEP，每月精選30本電子書，讀者只需下載HyRead 3應用程式，登入圖書館帳戶，毋須預約即可免費借閱。
更多港聞
行業學堂：嶺大環球博雅教育 着重交流 擴闊視野
【明報專訊】大學五件事：住宿舍、exchange（到外地交流）、拍拖、上莊（組織學會內閣）、做兼職，你認為哪件事最重要？如果你選擇excha... 詳情
【明報專訊】新型冠狀病毒疫情影響全球公開考試安排，除本港中學文憑試延期開考，考評局3月底公布，所有5月及6月在港舉行的普通教育文憑（GCE）...
詳情
相關新聞
