【Emily】民政署削區會社區撥款 泛民指全方位打壓
[2020.04.17] 發表
【明報專訊】泛民主導嘅新一屆區議會同政府不時出現摩擦，民政事務總署近日以預留更多資源處理突發事宜為由，削減多區區議會嘅社區參與計劃撥款，據Emily所知，削減金額由西貢區議會嘅不足4000元，到葵青區議會逾150萬都有。葵青區議會主席單仲偕話，削撥款係從未試過，「年年都只有加」，估計政府由政治打壓到財務打壓，全方位打擊區議會運作。
多區區議會都有被削撥款，但削幅區區唔同，同上年撥款比較，九龍城被削少於1萬，西貢被削3950元(約0.015%)；灣仔則削59萬(3.55%)；荃灣削約57萬(2.6%)；深水埗同南區分別被削76萬(2.9%同4%)，葵青更被削高達153萬元(接近5%)。
葵青被削153萬元 近5%
深水埗區議會主席楊彧認為係政治打壓、矮化區議會，認為民政署削撥款只係涉千零萬，相對抗疫基金嘅千幾億係微不足道，佢要求政府承諾唔再扣減撥款、日後調整前同各區預先溝通。西貢區議會主席鍾錦麟亦話，今屆區議會毫不吝嗇防疫支出，對政府此舉感到疑惑。
民政署：留更多資源處理突發事宜
民政事務總署回覆Emily，話因應社區出現嘅突發情况，包括最近疫情，政府要預留更多資源處理突發事宜，例如制定抗疫措施同活動，推動社會各界一同抗疫等，故有需要增加應急費用，所以畀18區區議會推行社區參與計劃嘅撥款額因而有所調整。
更多港聞
【明報專訊】今年係六四31周年，支聯會發起聯署聲明，呼籲市民聯署繼續要求平反八九民運，聯署提到「當前疫情嚴峻，今年維園悼念集會恐怕未能舉行，...
詳情
【明報專訊】疫情影響生活，前財政司長曾俊華噚日喺facebook出post，話「莫說大家都難再打邊爐、去旅行，好多人早已生計不保，做生意的，...
詳情
【明報專訊】議會陣線立法會議員朱凱廸噚日喺facebook話收到市民求助，「新界社區抗疫連線」聲稱只要填一份「新冠肺炎保險」資料確認表，填好...
詳情
相關新聞
