【Emily】首次成功 盈樂自然交配 熊貓B有望

海洋公園嘅14歲大熊貓盈盈同樂樂9年前開始嘗試自然交配，噚日第一次成功。（海洋公園提供）

【明報專訊】香港有機會出現第一隻「港產熊貓」。海洋公園噚日宣布，14歲大熊貓盈盈同樂樂噚日成功自然交配，係自2011年開始嘗試自然交配以嚟第一次成功。海洋公園動物及保育執行總監Michael Boos話，如果盈盈成功受孕，賀爾蒙水平同行為變化等等嘅懷孕迹象最早會喺6月下旬出現。

海洋公園話，自3月下旬起，盈盈開始用多咗時間玩水，而樂樂就喺佢嘅棲息環境留低氣味標記同嗅探盈盈嘅氣味，呢啲行為同大熊貓普遍每年一次喺3至5月期間嘅發情期脗合；加上盈盈賀爾蒙水平有變化，所以公園嘅獸醫及護理團隊確認兩隻大熊貓進入今年繁殖期，並喺噚日朝早嘅發情高峰期，畀機會佢哋自然交配。

出生前兩周才可確認懷孕

海洋公園話，會密切觀察盈盈嘅賀爾蒙水平及行為變化，而大熊貓嘅懷孕期由72至324天不等，不過只有喺熊貓BB出生前14至17天左右，先可以透過超聲波偵察確認大熊貓係咪真正懷孕。

咁多年嚟盈盈同樂樂食過多次「詐糊」。2015年，盈盈去過四川臥龍參與繁殖計劃，不幸流產；上年四川省再邀請盈盈樂樂返「娘家」繁殖，不過被海洋公園婉拒咗。希望今次盈盈可以順利「添丁」，最緊要平安健康。

更多港聞

【Emily】林鄭fb貼墳場照捱批 半夜刪相

【明報專訊】「限聚令」生效後，多於4人拜山會違法，特首林鄭月娥專頁前晚喺facebook出帖上載市民去墳場掃墓、外傭喺街頭見面嘅相，提醒大家... 詳情

【Emily】立會防疫 官員講完嘢即抹枱櫈

【明報專訊】立法會因應疫情關係，唔少會議都取消，但噚日仍然舉辦特別財委會，等官員可以回應議員有關財政預算案嘅提問。立法會秘書處都好緊張衛生狀... 詳情

【Emily】劉江華太忙唔見議員傾「麥難民」

【明報專訊】疫情關係，部分連鎖餐廳唔做晚市堂食，包括原本有部分分店係24小時營業嘅麥當勞，令晚上喺麥當勞休息嘅無家者頓時無處容身。社福界立法... 詳情

【Emily】南區議員黃店「實習」超論盡

【明報專訊】疫情肆虐令食肆生意艱難，民主黨南區區議會主席羅健熙、區議員陳欣兒和陳炳洋，以及社區主任陳堡明，日前諗諗新噱頭，「踩過界」去區內「... 詳情

【Emily】填詞人區議員 一首歌去年版稅31蚊

【明報專訊】香港仍然有唔少有心創作者出產廣東歌，原來屯門區議員張可森（Sam）填過詞，不過佢早前喺facebook出帖，自爆2019年只收到... 詳情