【Emily】政府「冠狀病毒病」網站 照顧埋少數族裔
[2020.02.28] 發表
【明報專訊】政府委託工聯會為住喺廣東同福建嘅港人送處方藥。工聯會噚日開展郵寄行動，政務及內地事務局長聶德權、社署署長梁松泰同香港藥學會會長龐愛蘭去到工聯會，探訪協助郵寄藥物嘅義工，為佢哋打氣。 聶德權多謝工聯會，話工聯會喺內地有服務中心，大家可以一拍即合協助廣東同福建嘅港人。
聶德權噚日亦到訪香港伊斯蘭聯會，同少數族裔人士會面，解釋防疫措施，呼籲大家攜手做好疫情防控嘅工作，聶德權仲送咗口罩畀聯會。
部分內容翻譯成唔同語言
聶德權話，政府設立咗「2019冠狀病毒病專題網站」，為市民提供有關2019冠狀病毒病嘅最新資訊，當中部分內容已經翻譯成唔同語言，包括印度文、尼泊爾文、巴基斯坦文、泰文、印尼文同菲律賓文等。
更多港聞
【明報專訊】民主派要求將警隊開支同預算案分拆審議，另一邊廂，民建聯漁農界立法會議員何俊賢就想政府抽起港台撥款，批評港台節目如《頭條新聞》等「...
詳情
相關新聞
