【Emily】陳太話林太錯失展示包容機會
[2020.02.21] 發表
【明報專訊】反修例風波持續逾7個月，各界關注香港前路。前政務司長陳方安生噚日話，本來武漢肺炎係畀特首林鄭月娥同團隊重建威信嘅好機會，但林太仍然傲慢、唔聽人講，質疑團隊精神去咗邊。陳太批評林太錯失好多展示包容嘅機會，例如泛民喺區選大勝後，林太理應同新任區議員商討點改善管治、理解社區所需，但林太就無視當選人而去見落選人，摑選舉結果一巴，佢認為「除非特首下台，否則難以重建香港」。
香港外國記者會噚日請嚟陳方安生、經民聯立法會議員梁美芬講點重建香港。陳太話政府必須準備重啟政改，雖然要應對疫情，但都要走出一小步，如將功能組別個人票代替公司票。梁美芬就話可引用《特權法》就反修例風波成立調查委員會，又話佢都對政府表現失去耐性。
梁美芬：下任特首要係溝通到嘅
有觀眾問下任特首邊個做好？陳太話唔講人名，認為要取決於北京係咪仍將忠誠當成唯一條件，如果北京相信港人揀特首嘅智慧同實際程度，由有公信力、能夠有效擔任港人同北京橋樑嘅人出任，相信都會有數人合適。梁美芬就話講人名太敏感，但認為要係能夠溝通嘅人。
更多港聞
【明報專訊】預算案下周發表，多個黨派要求全民派錢或者消費券，一向反對派錢嘅會計界梁繼昌（Kenneth）、資訊科技界莫乃光（Charles）...
詳情
【明報專訊】醫護罷工雖已結束，不過爭議未完。行會成員、新民黨主席葉劉淑儀早前話，有市民反映罷工期間醫療服務受影響，會研究向工會索償。「長州覆...
詳情
【Emily】HKTVmall飯堂設「獨立餐飲」
【明報專訊】武漢肺炎疫情持續，好多公司都為員工撲口罩同抗疫物資，HKTVmall乾脆設立「獨立餐飲」服務，即係喺公司飯堂用透明膠板隔開食飯嘅... 詳情
【明報專訊】香港民意研究所近日開展「社區健康計劃」，了解市民對疫情、政府措施嘅意見，原來都變身區議員收集民意渠道，會將市民對社區衛生嘅意見提...
詳情
相關新聞
